الەم جاڭالىقتارى
برازيليادا ديماشتىڭ سۋرەتىمەن بەزەندىرىلگەن اۆتوبۋستار قاتىناۋدا
فوتو: ديماشنيۋس
برازيليادا اۆتوبۋستاردىڭ ءبىرى ديماشتىڭ سۋرەتىمەن بەزەندىرىلىپ, قالا كوشەلەرىمەن ءجۇرىپ وتەدى, دەپ حابارلايدى qandastar.kz
اتالمىش شارا ديماش قۇدايبەرگەننىڭ تۋعان كۇنىنە وراي ءارتىستىڭ برازيليالىق فان-كلۋبى ۇيىمداستىرعان «Dimash on the Road» اكتسياسىنىڭ اياسىندا بولادى. بۇل جايلى ءانشىنىڭ ءباسپاسوز قىزمەتى مالىمدەدى. بيىل, ەكىنشى جىل قاتارىنان قالالىق اۆتوبۋستاردىڭ ءبىرى تولىعىمەن قازاقستاندىق ءانشىنىڭ سۋرەتتەرىمەن بەزەندىرىلىپ, فورتالەزا قالاسىنىڭ كوشەلەرىمەن ءجۇرىپ وتەدى.
Zakon.kz جازعانداي, سونداي-اق, اۆتوبۋستا «الەمدەگى ەڭ ەرەكشە داۋىس!» دەگەن جازۋ جازىلعان.
ءانشىنىڭ فوتوسى مەن ۇرانىنان باسقا, اۆتوبۋستىڭ ارتقى جاعىندا ديماشتىڭ 2021 جىلعى Digital Show-دا «Sos d’un terrien en détress» ءانى بار QR كودى بەرىلگەن.
سونىمەن قاتار, اۆتوبۋستا ديماشتىڭ 2025 جىلعا ارنالعان كونتسەرتتەرى جاريالانعان بارسەلونا, بەرلين جانە لوندون سياقتى قالالار كورسەتىلگەن.
بۇعان دەيىن ديماش قۇدايبەرگەننىڭ لارا فابيانمەن دۋەت ورىندايتىندىعى حابارلانعان بولاتىن.
