بۇگىن ەلىمىزدە اپتاپ ىستىق بولادى

فوتو: اشىق دەرەككوز

بۇگىن, 28 تامىزدا استانا قالاسى مەن قازاقستاننىڭ بىرقاتار ايماقتارىندا اۋا رايى كۇرت وزگەرىپ, ىستىق, نايزاعاي, بۇرشاق پەن شاڭدى داۋىل بولادى دەپ بولجانۋدا. بۇل تۋرالى «قازگيدرومەت» رمك مالىمدەدى, دەپ جازدى qandastar.kz

استانادا كۇندىز اۋا تەمپەراتۋراسى +35°س دەيىن كوتەرىلىپ, ءورت قاۋپى جوعارى دەڭگەيدە ساقتالادى.

ايماقتار بويىنشا بولجام:

اباي وبلىسى – سولتۇستىك-شىعىس باعىتتاعى جەل ەكپىنى 15-20 م/س.

اتىراۋ وبلىسى – باتىسىندا, وڭتۇستىگىندە, شىعىسىندا نايزاعاي, شىعىسىندا توتەنشە ءورت قاۋپى ساقتالادى.

اقتوبە وبلىسى – سولتۇستىكتە جەلدىڭ كۇشى 15 م/س, وڭتۇستىگىندە توتەنشە ءورت قاۋپى.

اقمولا وبلىسى – نايزاعاي, كۇندىز +35°س اپتاپ, جەل 15-20 م/س دەيىن.

شقو – جەلدىڭ ەكپىنى 20 م/س, ءورت قاۋپى جوعارى.

جامبىل, جەتىسۋ وبلىستارى – جەلدىڭ كۇشەيۋى 15-20 م/س.

باتىس قازاقستان وبلىسى – تۇندە جانە تاڭەرتەڭ تۇمان, وڭتۇستىگىندە ءورت قاۋپى جوعارى.

قاراعاندى وبلىسى – كۇندىز +35°س ىستىق, كەي وڭىرلەرىندە توتەنشە ءورت قاۋپى ساقتالادى.

قىزىلوردا وبلىسى – شاڭدى داۋىل, كۇندىز +40°س اپتاپ.

قوستاناي وبلىسى – نايزاعاي, بۇرشاق, جەل ەكپىنى 20 م/س دەيىن.

ماڭعىستاۋ وبلىسى – شاڭدى داۋىل, كۇندىز +38°س, توتەنشە ءورت قاۋپى.

سولتۇستىك قازاقستان وبلىسى – نايزاعاي, تۇمان, جەلدىڭ كۇشەيۋى 15-20 م/س.

ۇلىتاۋ وبلىسى – كۇندىز +35…+38°س ىستىق, ءورت قاۋپى جوعارى.

ماماندار تۇرعىنداردى ساقتىق شارالارىن ساقتاۋعا, الىس جولعا شىققاندا اۋا رايى بولجامىن ەسكەرۋگە شاقىرادى.