«بۇقارالىق سپورت قاۋىپسىز بولۋى كەرەك»: سپورت ءمينيسترى الماتىداعى ەكى مارافونشىنىڭ كوز جۇمعانىنا قاتىستى پىكىر ءبىلدىردى

فوتو: اشىق دەرەككوز

سپورت جانە تۋريزم ءمينيسترى ەربول مىرزابوسىنوۆ الماتىدا كوز جۇمعان ەكى مارافونشىنىڭ جاقىندارىنا كوڭىل ايتتى, دەپ جازدى qandastar.kz

 بۇل تۋرالى Stan.kz اقپارات اگەنتتىگى حابارلايدى.

مينيستر الماتىدا وتكەن جارتىلاي مارافونداعى قايعىلى جاعدايعا نازار اۋداردى.

“مارافون كەزىندە ەكى قاتىسۋشىنىڭ قازا تابۋى – اۋىر ءارى ەرەكشە نازار اۋدارۋدى قاجەت ەتەتىن جاعداي. قازىر وقيعا بويىنشا تولىققاندى تەكسەرىس جۇرگىزىلىپ جاتىر. قاتىسۋشىلاردىڭ دەنساۋلىق جاعدايى, جارىستى ۇيىمداستىرۋ ءتارتىبى, مەديتسينالىق قامتاماسىز ەتۋ دەڭگەيى مەن قاۋىپسىزدىك رەگلامەنتى جان-جاقتى ساراپتالادى”, – دەدى مىرزابوسىنوۆ.

ول جەرگىلىكتى اتقارۋشى ورگاندار وتكىزەتىن شارالارعا تالاپتى كۇشەيتەتىنىن ايتتى. سوزىنشە, بۇقارالىق سپورت قاۋىپسىز ءارى كاسىبي دەڭگەيدە ۇيىمداستىرىلۋعا تيىس.

“تۋريزم جانە سپورت مينيسترلىگى بۇل باعىتتا ناقتى ۇسىنىستار ازىرلەپ, ءتيىستى قۇرىلىمدارعا جولدايدى. قازا بولعان ازاماتتاردىڭ جاقىندارىنا كوڭىل ايتامىن!”, – دەلىنگەن حابارلامادا.

ەسكە سالساق, الماتىدا مارافوننىڭ ەكى قاتىسۋشىسى كوز جۇمعان ەدى.