جاڭالىقتار
بۇل قابىر سارا نازارباەۆانىكى ەمەس 2024-تە قايتىس بولعان باسقانىكى: اكىمدىك شۇعىل مالىمدەمە جاسادى
فوتو: اشىق دەرەككوز
جەلىدە نازارباەۆتار وتباسىنىڭ اۋلەتتىك زيراتىنداعى جاڭا قابىر تۋرالى فوتو مەن اقپارات پايدا بولدى, دەپ حابارلايدى qandastar.kz
باق-تا بۇل جۋىردا جەرلەنگەن سارا نازارباەۆانىڭ قابىرى بولۋى مۇمكىن دەگەن بولجام ايتىلدى.
وسىعان بايلانىستى Tengrinews.kz رەداكتسياسى قاراساي اۋدانىنىڭ اكىمدىگىنە رەسمي ساۋال جولدادى.
اكىمدىكتىڭ مالىمەتىنشە, شامالعان اۋىلىنداعى نازارباەۆتاردىڭ اۋلەتتىك زيراتىندا 2024 جىلدىڭ جەلتوقسان ايىندا قايتىس بولعان باسقا ادام جەرلەنگەن.
«جەرلەۋ ءدىني راسىمدەر مەن داستۇرلەرگە سايكەس جۇرگىزىلدى. قازىرگى ۋاقىتتا قابىردە جازۋلار مەن تاقتايشا ورناتىلماعان, الايدا مارقۇمنىڭ تۋىستارىنىڭ ايتۋىنشا, جاقىن كۇندەرى بەلگىتاقتا ورناتىلادى», – دەلىنگەن اكىمدىك بەرگەن جاۋاپتا.
سونىمەن قاتار, پرەزيدەنت ءىس باسقارماسىنىڭ مەديتسينالىق ورتالىعىنا قاراستى ۇلتتىق گوسپيتال ءتىلشىنىڭ سۇراۋىنا تاعى دا جاۋاپ بەرىپ, سارا نازارباەۆانىڭ قايتىس بولعانى تۋرالى اقپارات شىندىققا سايكەس كەلمەيتىنىن راستادى.
قازىر ول ۇلتتىق گوسپيتالدە ەم قابىلداپ جاتىر.
ۇلتتىق گوسپيتال دارىگەرلىك قۇپياعا جاتاتىن مالىمەتتەر – دياگنوز بەن ناۋقاستىڭ جاعدايى تۋرالى اقپارات جاريا ەتىلمەيتىنىن ەسكە سالدى.
«اقپاراتتى جاريالاماۋ تۋرالى شەشىم تەك پاتسيەنتتىڭ ءوز مۇددەسىن, ونىڭ جەكەلىك ومىرگە قۇقىعىن, ەم الۋ پروتسەسىنە بوگدە ارالاسۋدان قورعاۋدى قامتاماسىز ەتۋ ماقساتىندا قابىلداندى», – دەپ ناقتىلادى ۇلتتىق گوسپيتال وكىلدەرى.
