Bul qabir Sara Nazarbaevaniki emes 2024-te qaıtys bolǵan basqaniki: Ákimdik shuǵyl málimdeme jasady

Foto: ashyq derekkóz

Jelide Nazarbaevtar otbasynyń áýlettik zıratyndaǵy jańa qabir týraly foto men aqparat paıda boldy, dep habarlaıdy qandastar.kz

BAQ-ta bul jýyrda jerlengen Sara Nazarbaevanyń qabiri bolýy múmkin degen boljam aıtyldy.

Osyǵan baılanysty Tengrinews.kz redakııasy Qarasaı aýdanynyń ákimdigine resmı saýal joldady.

Ákimdiktiń málimetinshe, Shamalǵan aýylyndaǵy Nazarbaevtardyń áýlettik zıratynda 2024 jyldyń jeltoqsan aıynda qaıtys bolǵan basqa adam jerlengen.

«Jerleý dinı rásimder men dástúrlerge sáıkes júrgizildi. Qazirgi ýaqytta qabirde jazýlar men taqtaısha ornatylmaǵan, alaıda marqumnyń týystarynyń aıtýynsha, jaqyn kúnderi belgitaqta ornatylady», – delingen ákimdik bergen jaýapta.

Sonymen qatar, Prezıdent Is basqarmasynyń Medıınalyq ortalyǵyna qarasty Ulttyq gospıtal tilshiniń suraýyna taǵy da jaýap berip, Sara Nazarbaevanyń qaıtys bolǵany týraly aqparat shyndyqqa sáıkes kelmeıtinin rastady.

Qazir ol Ulttyq gospıtalde em qabyldap jatyr.

Ulttyq gospıtal dárigerlik qupııaǵa jatatyn málimetter – dıagnoz ben naýqastyń jaǵdaıy týraly aqparat jarııa etilmeıtinin eske saldy.

«Aqparatty jarııalamaý týraly sheshim tek paıenttiń óz múddesin, onyń jekelik ómirge quqyǵyn, em alý proesine bógde aralasýdan qorǵaýdy qamtamasyz etý maqsatynda qabyldandy», – dep naqtylady Ulttyq gospıtal ókilderi.