جاڭالىقتار
بۇرىنعى مادەنيەت ۆيتسە-ءمينيسترى ۇستالدى — انتيكور
سىبايلاس جەمقورلىققا قارسى قىزمەت سوتقا دەيىنگى تەرگەپ-تەكسەرۋ شەڭبەرىندە قازاقستان رەسپۋبليكاسىنىڭ بۇرىنعى مادەنيەت جانە سپورت ۆيتسە-ءمينيسترى اۋىر سىبايلاس جەمقورلىق قىلمىس جاسادى دەگەن كۇدىكپەن ۇستالعانىن راستادى.
«قازىرگى ۋاقىتتا كۇدىكتى الماتى قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىندا قاماۋدا وتىر», — دەيدى انتيكوردان.
تەرگەۋ جالعاسىپ جاتىر. قر قپك-ءنىڭ 201-بابىنا سايكەس وزگە اقپارات جاريالانبايدى.
بۇعان دەيىن بىرقاتار باق ۇكىمەت باسشىسىنىڭ كەڭەسشىسى ەرلان قوجاعاپانوۆتىڭ ۇستالعانى جايلى ينسايدەرلىك اقپارات تاراتقان ەدى.
وسىعان وراي قر پرەمەر-ءمينيسترىنىڭ ءباسپاسوز قىزمەتى مالىمدەمە جاسادى.
«ەرلان قوجاعاپانوۆ 2021 جىلدىڭ قىركۇيەگىنەن 2022 جىلدىڭ ءساۋىر ايىنا دەيىن پرەمەر-ءمينيستردىڭ كەڭەسشىسى قىزمەتىن اتقاردى. ول قازىر ۇكىمەت باسشىسىنىڭ كەڭەسشىسى دەگەن اقپارات شىندىققا جاناسپايدى» دەلىنگەن ۇندەۋدە.
