Chempıondar Oral qalasyna kómek qolyn sozdy 25 sáýir, saǵat 10.00. – «Dala Kyrandary» jastar qoǵamdyq birlestigi Batys Qazaqstan oblysynda sý tasqynymen jáne onyń saldarymen kúresý úshin úgit-nasıhat naýqanynyń bastalǵany týraly habarlaıdy

Qazirgi ýaqytta jastar qozǵalysynyń ókilderi BQO-nyń aýmaǵynda ornalasqan eldimekenderdi tabıǵı qubylystardyń teris áserinen qorǵaýǵa baǵyttalǵan sý tasqynyna qarsy is-sharalarǵa belsendi qatysýda.

Erbol Hamıtov, Ashat Dilmuhamedov, Almaty Kebisbaev, Vasılıı Tahtaı, Fırýza Sháripova, Beıbit Ystybaev, Sergeı yrýlnıkov jáne t.b. sport juldyzdarynan quralǵan alǵashqy eshelon Oral qalasynda boldy jáne Zachagansk, Jelaevo, №1 jáne №2 saıajaılardyń mańyndaǵy úıindi bógetterdi nyǵaıtýǵa kómektesti. Bul jumystarǵa jalpy 300-den astam adam tartyldy. Olardyń barlyǵy MMA, grek-rım jáne erkin kúres, grepplıng, fýtbol, fýtzal jáne t.b. sport túrleriniń eriktileri.

Al 25 sáýir kúni saǵat 10.00-de «Dala Qyrandary» JQB Astana qalasynyń Dene shynyqtyrý jáne buqaralyq sport akademııasynyń (APEMS) stýdentterimen úgit-nasıhat kezdesýin ótkizedi. Shara barysynda birlestik ókilderi Batys Qazaqstan oblysynda sý tasqynymen jáne olardyń saldarymen kúresý naýqanynyń bastalǵany týraly habarlaıdy. Bul akııa aýqymdy is-sharalar baǵdarlamasyn qarastyrady jáne barlyq nıet bildirýshilerdi osy mańyzdy bastamaǵa qosylýǵa shaqyrady. Kezdesý qatysýshylary sý tasqynyna qarsy kúrestiń mindetteri men maqsattary, sondaı-aq aldaǵy is-sharalar men kómek baǵdarlamalary týraly habardar bolady.

Esterińizge sala keteıik, «Dala Qyrandary» JQB bir aıdan beri  sý tasqynynan zardap shekken azamattarǵa qoldan kelgen bar kómegin kórsetip jatyr.

Buǵan deıin «Dala Qyrandary» JQB naýryz aıynda Qoıandy aýylynyń turǵyndaryna kómekke kelgen bolatyn. Qyrandar aýlalardy erip úlgermegen qardan tazartý arqyly jergilikti turǵyndardyń baspanalaryna qyzyl sýdyń kirýine jol bermedi. Al 3 sáýir kúni biz Astanadaǵy gýmanıtarlyq kómek jınaý núktesine kómektestik. Bul joly qajetti zattardy satyp alýǵa kómektesýden bólek, biz qaıyrymdy azamattar jibergen dúnıelerdi sol jerde suryptap, elimizdiń sý basqan aýdandaryna odan ári tasymaldaý úshin kólikterge tıedik. 9 sáýirde Taıtóbe kenti turǵyndaryna kómek qolyn sozdyq. Al 10-ynan 11-inshi sáýirge qaraǵan túni qozǵalys qatysýshylary Jibek Joly aýyly turǵyndarynyń ótinishteri boıynsha jergilikti bógetti nyǵaıtý jumystaryna atsalystyq.

Baılanys:

Akkredıtteýden ótý jáne kez kelgen qosymsha aqparat alý úshin kelesi nómirge habarlasyńyz +7 701 111 06 32, +7 705 306 63 66, qyrandary@gmail.com (Anel).

«Dala Qyrandary» týraly:

«Dala Qyrandary» – Qazaqstannyń qoǵamyn túbegeıli ózgertýge daıyn belsendi ári maqsatty jastardyń basyn bir jerge toǵystyratyn jastar qoǵamdyq birlestigi.