«Chia-Tai»: قىزىلوردادا قارجى پيراميداسىمەن اينالىسقان كۇدىكتى سوتتالدى

فوتو: اشىق دەرەككوز

قما قىزىلوردا وبلىسى بويىنشا ەكونوميكالىق تەرگەپ-تەكسەرۋ دەپارتامەنتى «Chia-Tai-Tianqing Pharmaceutical» قارجى پيراميداسىنىڭ قىزىلوردا قالاسىنداعى قۇرىلىمدىق بولىمشەسىن باسقارعان كۇدىكتىنىنىڭ جولىن كەستى, دەپ حابارلادى Qandastar.kz.

1992 جىلى تۋىلعان قىزىلوردالىق ازاماتشا قىزىلوردا قالاسى اۋماعىندا 2022 جىلدىڭ قاراشا ايى – 2023 جىلدىڭ ءساۋىر ايى ارالىعىندا, قارجىلىق (ينۆەستيتسيالىق) پيراميداسىن قۇرعان.

تەرگەۋ بارىسىندا انىقتالعانداي كۇدىكتى قىتاي حالىق رەسپۋبليكاسىندا فارماتسەۆتيكالىق پرەپاراتتارمەن مەديتسينالىق قۇرىلعىلاردى ءوندىرىپ, ولاردى شەتەلگە ەكسپورتتاۋمەن اينالىساتىن فارماتسەۆتيكالىق زاۋىتتىڭ قىزمەتىنە, قوسىمشا زاۋىتتاردىڭ قۇرىلىسىنا جانە بيولوگيالىق بەلسەندى قوسپالاردى جەتىلدىرۋگە باعىتتالعان زاڭدى ينۆەستيتسيالاۋشى رەتىندە  سالىمشىلاردىڭ قاراجاتتارىن زاڭسىز تارتىپ, ولاردى قايتا ءبولۋ جانە ءبىر قاتىسۋشىلاردى باسقالاردىڭ جارنالارى ەسەبىنەن بايىتۋ ارقىلى قارجىلىق پيراميدانىڭ ۇيىمداستىرۋشىلارىنا سالىمداردىڭ باسىم بولىگىن يەلەنۋگە كومەك بەرۋ تۇرىندە اۋىر ساناتتاعى ەكونوميكالىق قۇقىق بۇزۋشىلىقتى قاساقانا جاساعان.

قازىرگى تاڭدا 25 سالىمشىعا جالپى 26 130 190 تەڭگە كولەمىندە اسا ءىرى مولشەردە م ۇلىكتىك زالال كەلتىرگەن.

سوتتىڭ شەشىمىمەن سوتتالۋشى قازاقستان رەسپۋبليكاسىنىڭ قك-ءنىڭ 217-بابىنىڭ 3-بولىگىنىڭ 2) تارماعىمەن كىنالى دەپ تانىلىپ, 5 (بەس) جىل مەرزىمگە باس بوستاندىعىنان ايىرۋ جازاسى تاعايىندالدى.

ايتا كەتۋ كەرەك, بۇل كومپانيا ءوزىن ينۆەستيتسيالىق ۇيىم رەتىندە كورسەتىپ, جوعارى جانە تۇراقتى تابىس اكەلۋگە ۋادە بەرگەن.