Chına Alban kim?: Dıkıı Armannyń adamy kimderdi bopsalap júr?

Foto: ashyq derekkóz

Almaty oblysynyń turǵyny Raıhan Aıazbaeva halyqaralyq izdeýde júrgen qylmysker «Chına Alban» – Shyńǵys Muqashevtan ulyn arashalap berýdi surady, dep habarlaıdy qandastar.kz  Alash.KZ-ke silteme jasap.

Keıbir derekter boıynsha, Chına Alban – Dıkıı Armannyń qylmystyq tobyndaǵy adam.

«Meniń ulym Baqytjan Muhamedjannan Chına Alban eki jyldan beri aqsha bopsalap júr. Jaqynda «Chınanyń» tobyndaǵy tórt adam ulymdy kezdesýge aldap shaqyryp, taýǵa aparyp, uryp-soǵyp, namysyna tıetin vıdeolar túsirgen. Ol vıdeolardy áleýmettik jelige júkteımin dep aqsha bopsalady. Balamnyń abyroıy tógilmesin dep, qoryqqanymyzdan «Chınaǵa» apta saıyn 200 myńnan 1 mıllıonǵa deıin berdik. Qazirgi tańda úıimizdi satyp, dalada qaldyq», – deıdi Raıhan Aıazbaeva.

Sonyń ózinde Shyńǵys Muqashev Túrkııada júrip qorqytýyn toqtatpaǵan.

«Aqsha jibermeımiz desek barlyq vıdeony áleýmettik jelide paraqsha ashyp, Tıktok-qa salǵan. Almaty oblysy ishki ister departamentiniń polıııa maıory Maqsat Ihsanov myrzanyń kómegine júgindik. Ol ulymdy taýǵa aparyp, qınaǵan qylmyskerlerdi ustaýǵa kómektesti. Vıdeolar áleýmettik jelige salynǵannan keıin ulym «anam kórmesinshi, vıdeolardy óshirip tastaýǵa kómektesińizshi» dep Maqsat Ihsanovtan kómek suraıdy. Ol Muqashevqa habarlasyp, vıdeolardy jeliden alyp tastaýyn suraıdy.

Al Muqashev telefon áńgimesin vıdeoǵa túsirip, Ihsanov qylmyskerdiń sózin sóılep otyr dep jala jaýyp, jelige salyp jibergen. Sonymen qatar, ulyma tórt qylmyskerdi bosat dep qysym kórsetip jatyr. Muqashevtiń kesirinen Ihsanov Maqsat myrza jumysynan aıyrylý ústinde. Biz sharasyz kúıdemiz», – deıdi Raıhan Aıazbaeva.

Ol prezıdent pen ishki ister mınıstrinen janaıqaıyna nazar aýdarýdy surady.