جاڭالىقتار
دالا ءورتى: قاراعاندىدا توتەنشە جاعداي كەزىندە ءورت ءسوندىرۋشى قازا تاپتى
فوتو: تجم
قىزمەتتىك مىندەتىن اتقارۋ كەزىندە 24-ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى 1991 جىلى تۋعان حالي حايرات قازا تاپتى, دەپ حابارلايدى Qandastar.kz.
ۆەدومستۆانىڭ مالىمدەۋىنشە, وقيعا 6 قازاندا قاراعاندى وبلىسىندا قارقارالى اۋدانىنداعى دالا ءورتىن ءسوندىرۋ بارىسىندا ورىن العان. سەرجانت ازاماتتىق قورعاۋ ورگاندارىندا 2014 جىلدان باستاپ جۇمىس ىستەگەن.
وقيعانىڭ ءمان-جايى انىقتالۋدا. سوتقا دەيىنگى تەرگەۋ باستالدى. ۆەدومستۆونىڭ اپاتتار مەديتسيناسى ورتالىعىنىڭ پسيحولوگتارى قايتىس بولعان قىزمەتكەردىڭ تۋىستارىنا قاجەتتى پسيحولوگيالىق كومەك كورسەتۋدە.
– قازاقستان رەسپۋبليكاسى توتەنشە جاعدايلار مينيسترلىگى ءورت ءسوندىرۋشىنىڭ تۋىستارى مەن جاقىندارىنا كوڭىل ايتادى! تجم قازا تاپقان ءورت ءسوندىرۋشىنىڭ وتباسىنا جان-جاقتى كومەك پەن قولداۋ كورسەتەدى, – دەلىنگەن حابارلامادا.
