Jańalyqtar
Dala órti: Qaraǵandyda tótenshe jaǵdaı kezinde órt sóndirýshi qaza tapty
Foto: TJM
Qyzmettik mindetin atqarý kezinde 24-órt sóndirý bóliminiń aǵa órt sóndirýshi-qutqarýshysy 1991 jyly týǵan Halı Haırat qaza tapty, dep habarlaıdy Qandastar.kz.
Vedomstvanyń málimdeýinshe, oqıǵa 6 qazanda Qaraǵandy oblysynda Qarqaraly aýdanyndaǵy dala órtin sóndirý barysynda oryn alǵan. Serjant azamattyq qorǵaý organdarynda 2014 jyldan bastap jumys istegen.
Oqıǵanyń mán-jaıy anyqtalýda. Sotqa deıingi tergeý bastaldy. Vedomstvonyń Apattar medıınasy ortalyǵynyń psıhologtary qaıtys bolǵan qyzmetkerdiń týystaryna qajetti psıhologııalyq kómek kórsetýde.
– Qazaqstan Respýblıkasy Tótenshe jaǵdaılar mınıstrligi órt sóndirýshiniń týystary men jaqyndaryna kóńil aıtady! TJM qaza tapqan órt sóndirýshiniń otbasyna jan-jaqty kómek pen qoldaý kórsetedi, – delingen habarlamada.