Jańalyqtar
Danııar Eleýsinov Almatydaǵy boks keshinde qarsylasyn tehnıkalyq nokaýtpen jeńdi
Foto: skrınshot
10 raýndqa josparlanǵan jekpe-jek 6 raýndtan aspady.
Qazaqstandyq kásipqoı boksshy Danııar Eleýsinov Almatyda uıymdastyrylǵan boks keshiniń basty jekpe-jeginde jeńiske jetti. Otandasymyz fılıppındik Djo Noınaemdy (23-4-2, 11 KO) tehnıkalyq nokaýtpen jeńip shyqty, dep habarlaıdy qandastar.kz aqparat portaly.
Danııar qarsylasyn 4-raýndta nokdaýnǵa túsirdi. Jekpe-jek odan keıin jalǵasqanmen, jattyqtyrýshylary keńese kele judyryqtasýdy toqtatty.
Danııar Eleýsinov sońǵy ret 2021 jyly resmı jekpe-jekke shyqqan. Argentınalyq Hýan Ernan Lealdy jeńip, IBO chempıondyq ataǵyn ıelengen edi. Odan keıin jekpe-jekke shyqpady.
2023 jyldyń jeltoqsan aıynda «IBA Chempıondar túni» keshinde judyryqtasýǵa shyqqan. Alaıda ol jekpe-jek resmı kezdesý bolyp sanalǵan joq.
Aıta keteıik, Almatydaǵy boks keshinde aralas jekpe-jek sheberi Qýat Hamıtov ta baq synady. Alǵash ret boks jekpe-jegine shyqqan ol Nurbergen Sháripovti jeńip shyqty.
