دانيار ەلەۋسىنوۆ پەن يۆان دىچكو اقش-تا شارشى الاڭعا شىقپاق

IBO تۇجىرىمى بويىنشا بۇرىنعى الەم چەمپيونى دانيار ەلەۋسىنوۆ (12-0, 7 كو) پەن اسا اۋىر سالماقتا ونەر كورسەتەتىن يۆان دىچكو (14-0, 13 كو) رينگكە قايتا ورالاتىن كۇن بەلگىلى بولدى, دەپ حابارلايدى Qandastar.kz اقپارات پورتالى.

1bol.kz جازۋىنشا, قوس بوكسشىنىڭ كەلەسى جەكپە-جەكتەرى 19 شىلدە كۇنى اقش-تىڭ پەنسيلۆانيا شتاتىنداعى ۆاشينگتون قالاسىندا وتەدى دەپ جوسپارلانعان. الايدا ازىرگە قارسىلاستارىنىڭ ەسىمدەرى جاريالانعان جوق.

قازىر دانيار مەن يۆان پيتتسبۋرگ قالاسىنىڭ ماڭىندا ورنالاسقان جاتتىقتىرۋشى توم يانكەللونىڭ زالىندا دايىندىعىن پىسىقتاپ جاتىر.

ايتا كەتەيىك, دانيار ەلەۋسىنوۆ سوڭعى رەت 2023 جىلدىڭ 28 قىركۇيەگىندە الماتىدا جۇدىرىقتاسىپ, فيليپپيندىك دجو نوينانى (23-5-2, 11 كو) مەرزىمىنەن بۇرىن جەڭگەن بولاتىن. ال يۆان دىچكو 2024 جىلدىڭ تامىز ايىندا اقش-تىڭ پلانت-سيتي قالاسىندا امەريكالىق كرەيگ ءليۋيستى (15-8-1, 8 كو) نوكاۋتقا تۇسىرگەننەن كەيىن رينگكە شىقپاعان.