Danııar Eleýsinov pen Ivan Dychko AQSh-ta sharshy alańǵa shyqpaq

IBO tujyrymy boıynsha burynǵy álem chempıony Danııar Eleýsinov (12-0, 7 KO) pen asa aýyr salmaqta óner kórsetetin Ivan Dychko (14-0, 13 KO) rıngke qaıta oralatyn kún belgili boldy, dep habarlaıdy Qandastar.kz aqparat portaly.

1bol.kz jazýynsha, qos boksshynyń kelesi jekpe-jekteri 19 shilde kúni AQSh-tyń Pensılvanııa shtatyndaǵy Vashıngton qalasynda ótedi dep josparlanǵan. Alaıda ázirge qarsylastarynyń esimderi jarııalanǵan joq.

Qazir Danııar men Ivan Pıttsbýrg qalasynyń mańynda ornalasqan jattyqtyrýshy Tom Iankellonyń zalynda daıyndyǵyn pysyqtap jatyr.

Aıta keteıik, Danııar Eleýsinov sońǵy ret 2023 jyldyń 28 qyrkúıeginde Almatyda judyryqtasyp, fılıppındik Djo Noınany (23-5-2, 11 KO) merziminen buryn jeńgen bolatyn. Al Ivan Dychko 2024 jyldyń tamyz aıynda AQSh-tyń Plant-Sıtı qalasynda amerıkalyq Kreıg Lıýısti (15-8-1, 8 KO) nokaýtqa túsirgennen keıin rıngke shyqpaǵan.