الەم جاڭالىقتارى
دانيار ەلەۋسىنوۆ UFC باسشىسىمەن كەلىسىمشارتقا قول قويدى
فوتو:prosports.kz
قازاقستاندىق كاسىپقوي بوكسشى دانيار ەلەۋسىنوۆ (12-0, 7 كو) UFC پرەزيدەنتى دانا ۋايتتىڭ جاڭا بوكس پروموۋشەنىمەن رەسمي كەلىسىمشارتقا وتىردى, دەپ جازدى qandastar.kz
All Stars Boxing پروموۋتەرلىك كومپانياسىنىڭ مالىمەتىنشە, دانيار ۋايتتىڭ جاڭا بوكس ليگاسىمەن كەلىسىم جاساعان العاشقى قازاقستاندىق بوكسشى اتاندى. جاقىندا دانا ۋايت ساۋد ارابياسىنىڭ پروموۋتەرلەرىمەن بىرلەسىپ جاڭا بوكس ليگاسىنىڭ قۇرىلعانىن جاريالادى.
بۇل جوبا قازىرگى ءتورت ءىرى بوكس ۇيىمىنىڭ جۇيەسىنەن وزگەشە, سەبەبى ءار سالماقتا تەك ءبىر عانا چەمپيون انىقتالادى.
ايتا كەتەيىك, دانيار ەلەۋسىنوۆ – IBO تۇجىرىمى بويىنشا بۇرىنعى الەم چەمپيونى. ول بيىل ناۋرىزدا استانادا وتەتىن بوكس كەشىندە رينگكە شىعۋى كەرەك بولعان, الايدا جەكپە-جەك جۇزەگە اسپادى.
