Danııar Eleýsinov UFC basshysymen kelisimshartqa qol qoıdy

Foto:prosports.kz

Qazaqstandyq kásipqoı boksshy Danııar Eleýsinov (12-0, 7 KO) UFC prezıdenti Dana Ýaıttyń jańa boks promoýshenimen resmı kelisimshartqa otyrdy, dep jazdy qandastar.kz

All Stars Boxing promoýterlik kompanııasynyń málimetinshe, Danııar Ýaıttyń jańa boks lıgasymen kelisim jasaǵan alǵashqy qazaqstandyq boksshy atandy. Jaqynda Dana Ýaıt Saýd Arabııasynyń promoýterlerimen birlesip jańa boks lıgasynyń qurylǵanyn jarııalady.

Bul joba qazirgi tórt iri boks uıymynyń júıesinen ózgeshe, sebebi ár salmaqta tek bir ǵana chempıon anyqtalady.

Aıta keteıik, Danııar Eleýsinov – IBO tujyrymy boıynsha burynǵy álem chempıony. Ol bıyl naýryzda Astanada ótetin boks keshinde rıngke shyǵýy kerek bolǵan, alaıda jekpe-jek júzege aspady.