جاڭالىقتار
داۋدان باسى ارىلماعان پاۆلودار قالاسىنىڭ بۇرىنعى اكىمى ەندى كوكشەتاۋدى باسقارادى
اقمولا وبلىسى اكىمىنىڭ كەڭەسشىسى ءانۋار كۇمپەكەەۆ كوكشەتاۋ قالاسىنىڭ اكىمى بولىپ تاعايىندالدى, دەپ حابارلايدى qandastar.kz Orda.kz-كە سىلتەمە جاساپ.
«اقمولا وبلىسى اكىمىنىڭ 2024 جىلعى 9 قاراشاداعى وكىمىمەن قازاقستان رەسپۋبليكاسى پرەزيدەنتى اكىمشىلىگىنىڭ جانە قالالىق ءماسليحاتتىڭ كەلىسىمىمەن ءانۋار قايىرگەلدى ۇلى كۇمپەكەەۆ وبلىس اكىمى بولىپ تاعايىندالدى» دەپ حابارلايدى اقوردانىڭ ءباسپاسوز قىزمەتى.
كۇمپەكەەۆ قىزمەتكە تاعايىندالعانعا دەيىن اقمولا وبلىسى اكىمىنىڭ كەڭەسشىسى قىزمەتىن اتقارىپ, تۇرعىن ءۇي-كوممۋنالدىق شارۋاشىلىق ماسەلەلەرىمەن اينالىسقان.
بۇعان دەيىن 2015-2018 جىلدار ارالىعىندا كۇمپەكەەۆ ستەپنوگورسك قالاسىنىڭ اكىمى قىزمەتىن اتقارعان, كەيىن پاۆلودار قالاسىنىڭ اكىمى بولىپ تاعايىندالدى. پاۆلودار اكىمى رەتىندە شەنەۋنىك پاتەر الىپ, ونىمەن قويماي, وعان قىمبات جيھاز ساتىپ الۋدى جوسپارلاعانى ءۇشىن قاتاڭ سوگىس العان بولاتىن.
2019 جىلى پاۆلودار وبلىسىنىڭ باسشىسى ونىڭ جۇمىسىن سىنعا الىپ, شىعىندارداعى زاڭسىزدىقتار مەن تاپسىرىستاردى ورىنداماعانىن العا تارتتى, سودان كەيىن كۇمپەكەەۆ ءوز ەركىمەن قىزمەتىنەن كەتكەن ەدى.
كۇمپەكەەۆ سوڭعى تاعايىندالعانعا دەيىن «ترانستەلەكوم» اق باسقارما توراعاسىنىڭ ورىنباسارى قىزمەتىن اتقاردى.
