Demeý Jadyraev – jartylaı fınalda! Otandasymyz ataqty qyrǵyz balýanyn jeńdi

Foto: Turar Qazanǵapov

Qazaq balýany Demeý Jadyraev Parıjdegi Olımpıada oıyndaryndaǵy ekinshi beldesýinde qyrǵyz Aqjol Mahmudovty jarys jolynan shyǵardy. Osylaısha jartylaı fınalǵa joldama aldy.

Grek-rım kúresinen 77 kıloǵa deıingi salmaqta ótken beldesýde Demeý qarsylasyn 3:1 esebimen jeńip shyqty. Aqjol qazaq balýanyna basty qarsylastyń biri bolatyn. Eki dúrkin álem chempıony, úsh dúrkin Azııa chempıony, Tokıodaǵy Olımpıada oıyndarynyń kúmis júldegeri bolatyn.

Jartylaı fınaldaǵy beldesýler Qazaqstandaǵy ýaqytpen keshki saǵat 21:15-te bastalady.

Qazaq balýany birinshi beldesýinde kolýmbııalyq qarsylasyn aıqyn jeńip shyqqan edi.