قارجى جانە تولەمدەر
دەنساۋلىق ساقتاۋ مينيسترلىگى ماڭىزدى حابارلاما جاسادى
فوتو: اشىق دەرەككوز
قر دەنساۋلىق ساقتاۋ مينيسترلىگى 2025 جىلى 5 ناۋرىزدا جەدەل جاردەم قىزمەتىنىڭ بالاما بايلانىس ارنالارى تۋرالى مالىمدەمە جاسادى, دەپ حابارلايدى qandastar.kz
قۇزىرلى ۆەدومستۆو مالىمەتىنشە, سوڭعى كۇندەرى ازاماتتار جەدەل جاردەم قىزمەتىنىڭ 103 ديسپەتچەرىنىڭ پۋلتىنە قوڭىراۋ شالۋدىڭ جەكەلەگەن جاعدايلارى تۋرالى شاعىمدانعان. ۇلتتىق شۇعىل مەديتسينانى ۇيلەستىرۋ ورتالىعى ءتۇسىندىرىپ وتكەندەي, الماتى قالاسىندا 2025 جىلعى 3 ناۋرىزدا ساعات 23:40-تان 00:00-گە دەيىن (20 مينۋت) بولعان «103» جەلىسىندەگى بايلانىستىڭ بۇزىلۋىنا بايلانىستى وقيعا بويىنشا تەحنيكالىق ساراپتاما جۇرگىزىلدى. قوڭىراۋ شالا الماۋ سەبەبى بايلانىس وپەراتورىنىڭ E1 اعىنىنىڭ دۇرىس جۇمىس ىستەمەۋى بولدى.
مينيسترلىك بۇل ماسەلەنى جويۋ ءۇشىن بايلانىستى تۇراقتاندىرۋ بويىنشا دەرەۋ شارالار قابىلدانعانىن ناقتىلادى. قازىرگى ۋاقىتتا تەلەفون بايلانىسى شتاتتىق رەجيمدە جۇمىس ىستەيدى.
«103 ءنومىرىن تەرۋ كەزىندە بايلانىستىڭ بۇزىلۋىنىڭ ىقتيمال سەبەبى ۇيالى بايلانىس وپەراتورىنىڭ جەلىسى بويىنشا ۇيالى بايلانىستىڭ ىستەن شىعۋى بولۋى مۇمكىن, سونداي-اق ۇيالى تەلەفونداردىڭ كەيبىر ۇلگىلەرى شۇعىل قىزمەتتەرمەن بايلانىستى قولداماۋى نەمەسە دۇرىس باعىتتالماۋى مۇمكىن دەپ ەسكەرتەدى», دەلىنگەن مينيسترلىك حابارلاماسىندا.
سونداي-اق «103» نومىرىنە قوڭىراۋ شالۋ كەزىندە تەرىلەتىن نومىرگە دەيىن 9 پرەفيكسىن قوسۋ كەرەكتىگى ەسكەرتىلەدى.
