DEPOZITTE QARJY JINAÝ TIIMDI ME?

Byltyr jeke tulǵalardyń depozıtterindegi qarjy 20,4 trln teńgege jetti. Bul memleket tarıhynda bolmaǵan qubylys.

Al zańdy tulǵalardyń qarjysyn qosa eseptegende ekinshi deńgeıli bankterdegi depozıtter qory 35 trln teńgeden asty. Tıynyn teńge etkisi keletin eldiń deni depozıtte aqsha jınaǵandy jón kóredi. Byltyr jeke tulǵalardyń jınaq qory 20 trln teńgeden asqan.

Bul buryn-sońdy bolmaǵan rekordtyq kórsetkish. Bir jylda bank qyzmetin qoldanýshylardyń qatary artyp, qarjy kólemi 20 proentke artqan. Sarapshylar, bul jaqsy úrdis deıdi. Qarjy qoldanysy qysqaryp, qorlarda jınalatyn bolsa salymshylarmen qatar memleketke de paıdaly eken. Aıbar Oljaev, ekonomıst: — Depozıtterdiń kóp bolǵany ekonomıkalyq sıstemaǵa jaqsy. Bul jerde jınaqtaýshy júıede bolady jáne ol qarjylyq turaqtylyqqa jaqsy áser beredi. Depozıt halyqtyń qarjylyq jańaǵy podýshka deıdi ǵoı, qarjylyq bir qory.

Rezervtyń joǵary bolǵany bankterge de ótimdi bolǵany jaqsy jáne bizdegi basy artyq aqshany naryqtaǵy ınflıaııany qozdyrmaý úshin stılızaııa jasaıdy.

Dúıim jurttyń qarjysyn depozıtte jınaýy teńgeniń qunsyzdanýyna teris áser etedi. Alaıda ekonomıkada ınflıaııa turalasa, bankterdegi bazalyq mólsherleme tómendeıdi degen túsinik bar. Bıyl da solaı boldy, jyldyq ósim 1 proentke qysqardy. Ulttyq bank basshylyǵy 15,75-ten 14,75 proentke deıin tómendetý týraly sheshim shyǵardy.

Tımýr Súleımenov, QR Ulttyq bankiniń tóraǵasy: — Sheshim naqty derekter men jańartylǵan boljamdardy eskere otyryp qabyldandy. Makroekonomıkalyq kórsetkishterdiń boljamdaryn jańartýmen qatar, ınflıaııa táýekelderin baǵalaýy túzetildi. Jyldyq ınflıaııa baıaýlaýda. Degenmen onyń baıandaý qarqyny tómendedi.

Bul bizdiń boljamymyzǵa sáıkes. Qarjy uıymyn tańdaýdan buryn, qandaı jolmen jınaq ashýǵa bas aýyrtyp júrgender de bar. Eldiń bir bóligi artyq aqshasyn qundy qaǵaz nemese qarjy, al endi bir tarap altyn kúıinde saqtaǵandy jón kóredi.

Sanasy sanǵa, oıy onǵa bólingen aǵaıynnyń «Qaı jol tıimdi ári qaýipsiz?» degen saýalyn sala mamanyna joldadyq. Aıbar Oljaev, ekonomıst: — Bazalyq stavka 14-ten joǵary bolyp turǵandyqtan teńgede depozıt ustaý halyq úshin eń tıimdi varıant dep oılaımyn. Ol ınflıaııadan joǵary. Altyn ınflıaııaǵa korrekııa jasalmaıdy.

Inflıaııa bolyp ketse, altyn álemdegi naryqtaǵy suranysqa qatysty. Ol Qazaqstandyq ınflıaııaǵa qaramaıdy. Sondaı-aq  belgili sarapshy, «jyldap jınaǵanym bir kúnde joq bolady dep alańdamańyzdar», — deıdi. Memleket salymshylardyń 20 mln teńgesine deıin kepildik beredi.

Al sheteldik valıýtalarǵa – 5 mln teńge kóleminde saqtandyrady. Bul úmit etken bankińiz bankrot bolsa da, salymyńyz qaıtarylady degen sóz.