Depýtat kóligkti 5 mınýttan artyq qyzdyrýǵa qatysty pikir bildirdi

Foto: Májilis

Májilis depýtaty, «AMANAT» partııasy frakııasynyń múshesi Ekaterına Smyshlıaeva qysta turǵyn úılerdiń janynda kóligin 5 mınýttan artyq qyzdyryp turatyn júrgizýshilerge aıyppul salý týraly normaǵa qatysty pikir bildirdi. Depýtattyń aıtýynsha, mundaı norma 20 jyldan beri bar. Sáıkesinshe Smyshlıaeva osy máselege qatysty týyndaǵan daý-damaıdy «tehnologııalyq haıp» dep sanaıdy, – dep habarlaıdy qandastar.kz 

Májilis depýtaty jol qozǵalysy týraly Zańnyń qazirgi redakııasynda jazylǵan bul erejeniń keı tustary túsiniksiz ekenin atap ótti.

«Zań shyǵarýshy retinde atalǵan normany taldaı kele, bul erejede keıbir máselelerdiń naqtylanbaǵanyn atap ótkenim jón. Máselen, «eldi mekenderde qozǵaltqyshy jumys isteıtin mehanıkalyq kólik quraldarynyń turaǵyna turǵyndarǵa qolaısyzdyq týǵyzǵan jaǵdaıda tyıym salynady» delingen. Bul jerde qolaısyzdyq týdyrdy dep kimdi nemese neni kinálaýǵa bolady? Jaǵymsyz ıisi bar kólikten shyǵatyn gazdy ma? Álde túngi úshte eldi tátti uıqysynan oıatatyn qozǵaltqyshtyń daýysyn ba? Bolmasa kórshimizge kóligińizdi úıdiń janyna qoımańyz deımiz be? Iaǵnı, onyń elge kedergi keltirip jatqanyn qalaı anyqtaımyz? Halyqtyń aryz túsirgenin kútip otyramyz ba? Ol aryz qandaı talaptar boıynsha qabyldanady?», – deıdi Ekaterına Smyshlıaeva.

Smyshlıaevanyń aıtýynsha, turǵyndarǵa kedergi keltirgen kólik júrgizýshisine qalaı shaǵymdaný kerek ekeni de túsiniksiz.

Osyǵan baılanysty depýtat bul máseleniń birneshe sheshimin usyndy.

• jaýapqa tartý tártibi (qolaısyzdyq týyndaǵany jóninde turǵyndardyń negizdelgen ótinishi bolǵan jaǵdaıda ǵana);
• qolaısyz jaǵdaılarǵa neni jatqyzýǵa bolatyndyǵyn naqtylaý;
• shaǵymnyń negizdi bolýy úshin naqty talaptardy anyqtaý.

Sondaı-aq Májilis depýtaty osy máseleni sheshýge baılanysty kópshiliktiń usynystaryn qabyldaýǵa daıyn ekenin jetkizdi.