Depýtat Otbasy bankin azamattarǵa óz aqshasyn paıyzben berip otyr dep synady

Islam Suńqardyń aıtýynsha, Otbasy banki aralyq qaryz berý sharttaryn ózgertken. Biraq sheshim qazaqstandyqtar úshin ádiletsiz.

Depýtattyń pikirinshe, azamattarǵa óz aqshalaryn ózderine qaryzǵa berip ıaǵnı páterdiń tolyq qunynyń paıyzyn eseptep, bank komıssııalaryn alý ádiletsiz sheshim.

“Bul somaǵa depozıt boıynsha syıaqy jáne memleket syılyqaqysy esepteletinin, ol klıentke tabys ákeletinin aıtady. Biz muny qarjylyq qýlyqtan basqa eshteńe dep sanamaımyz. Biz sharttar boıynsha osy depozıttiń paıyzdyq mólsherlemesi jyldyq nebári 2% quraıtynyn kóremiz. Al memleket syılyqaqysy 200 AEK-ten aspaıtyn shekteýli somaǵa esepteledi. О́sim 87,9%, ıaǵnı 107,5 mıllıard teńge. Bul qarapaıym salymshylarǵa áser etpeıdi”, – dedi depýtat.

Depýtat bank klıentterdiń aqshasyn tómen mólsherlememen depozıtte paıdalanyp, mıllıardtaǵan tabys tabatynyn jáne ony klıentke bermeı óz qalaýy boıynsha paıdalanatynyn ádiletsiz dep sanaıtynyn jetkizdi.