دەپۋتات تۋدى قورلاعان جاسوسپىرىمدەرگە قاتىستى پىكىرىن ءبىلدىردى

فوتو: پارلامەنت

ءماجىلىس دەپۋتاتى تەمىر قىرىقباەۆ تۋدى قورلاعان جاسوسپىرىمدەرگە قاتىستى پىكىرىن ءبىلدىردى, دەپ حابارلايدى qandastar.kz

ەلىمىزدىڭ, قازاقستانىمىزدىڭ ءوزىنىڭ تۋى, ەلتاڭباسى بار. سوندىقتان ونى وزگەرتۋ مۇمكىن ەمەس. وكىنىشكە قاراي, تۋىمىزعا باسقا ەلدەردىڭ بەلگىلەرىن, جازۋىن جازىپ جاتقان فوتو الەۋمەتتىك جەلىلەردە تارادى, — دەدى دەپۋتات.

قىرىقباەۆ قازىر بۇل وقيعا بويىنشا كىنالىلەر انىقتالىپ, تەرگەۋ جۇرگىزىلگەنىن قوسا كەتتى.

كىنالى تۇلعالارعا, 18 جاسقا تولماعان 3 ءجاسوسپىرىم قىزعا ايىپپۇل سالىندى. كولەمى 20 اەك. ال كامەلەت جاسىنان اسقان ءتورتىنشى ايەل 15 تاۋلىككە قاماۋعا الىندى. جالپى مۇنداي جاعداي بولماۋى كەرەك. ويتكەنى ەلىمىزدىڭ ءوز تۋى بار. ونى باسقا ەلدىڭ جازۋىمەن بۇلدىرۋگە بولمايدى, — دەپ ايتتى ماجىلىسمەن.

تەمىر قىرىقباەۆ بالا تاربيەسىنە نازار اۋدارۋ كەرەگىن ايتتى. مەكتەپتەردە وقۋشىلارعا اقپاراتتىق-ءتۇسىندىرۋ جۇمىستارى دا جۇرگىزىلۋى كەرەگىن قوسا كەتتى.