جاڭالىقتار
دەپۋتات تۇرلىحانوۆتىڭ سوتتى بولعان ۇلى تۇندە كوزگە تۇسكەن: كىنالىلەر جازالاندى
كوللاج Ulysmedia.kz
ءىىم قىلمىستىق-اتقارۋ جۇيەسى كوميتەتى دەپۋتات داۋلەت تۇرلىحانوۆتىڭ ۇلى نۇراسىل بولاتپەن بولعان وقيعاعا تاعى دا تۇسىنىكتەمە بەردى. ول تۇندە كوشەدە بوستاندىعى شەكتەلسە دە, تۇندە كوشەدە جۇرگەن, دەپ حابارلايدى Ulysmedia.kz.
جۋرناليستەر بريفينگ بارىسىندا دەپۋتاتتىڭ ۇلى نەگە 14 تامىزدا — ۇكىم جاريالانعاننان بىرنەشە اي وتكەن سوڭ عانا ەسەپكە قويىلدى دەپ سۇرادى.
بۇعان دەيىن قاجك بۇل ءىس بويىنشا ۇكىم پروباتسيا قىزمەتىنە كەشىگىپ كەلىپ تۇسكەنىن حابارلانعان بولاتىن. بۇگىن قاجك توراعاسى تەڭىزجان جانىبەكوۆ پروتسەسسۋالدىق زاڭدى بۇزعانى ءۇشىن كىنالىلەر جازالانعانىن ايتتى.
– پروباتسيا قىزمەتىنە ۇكىم تۇسكەننەن كەيىن وسى سوتتالعان ادام سول كۇنى ەسەپكە قويىلادى. بۇل فاكت بويىنشا ءبىز بۇعان دەيىن رەسمي تۇسىنىكتەمە بەرگەن بولاتىنبىز.
ۇكىم 14 تامىزدا ورىندالدى دەپ ايتىلدى. وسىعان قاراماستان, جول بەرىلگەن ءىس جۇرگىزۋ بۇزۋشىلىقتارى ءۇشىن بىرقاتار كىنالى تۇلعالار تارتىپتىك جاۋاپكەرشىلىككە تارتىلدى, – دەدى ول.
نۇراسىل بولاتتىڭ ءىسى
2023 جىلعى 11 اقپاندا اسكەري قىزمەتشى نۇراسىل بولات الماتىداعى تۇنگى كلۋبتىڭ الدىندا ەرلى-زايىپتى زاڭگەر اننا مەن ولەگ چەرنوۆتاردى سوققىعا جىققان ەدى.
2023 جىلدىڭ قازان ايىندا الماتى گارنيزونىنىڭ اسكەري سوتى دەپۋتاتتىڭ ۇلىنا 1 ملن 720 مىڭ تەڭگە ايىپپۇل سالدى. بۇدان باسقا, جابىرلەنۋشىلەردىڭ پايداسىنا 1 ملن تەڭگە مولشەرىندە مورالدىق وتەماقى جانە وكىلدىڭ قىزمەتتەرىنە اقى تولەۋ بويىنشا 1,6 ملن تەڭگە سوماسىندا شىعىن ءوندىرىلدى. زارداپ شەككەن تاراپتىڭ ادۆوكاتتارى سۋديانىڭ شەشىمىمەن كەلىسپەي, شاعىم ءتۇسىرىپ, وعان باس بوستاندىعىنان ايىرۋ جازاسىن تاعايىنداۋدى سۇرادى.
2024 جىلعى 14 مامىردا ۇكىم بوستاندىقتى شەكتەۋگە وزگەرتىلدى, الايدا تامىزدىڭ ورتاسىندا كۋاگەرلەر نۇراسىل بولاتتى تۇندە كوشەدە ەركىن جۇرگەنىن بايقادى.
