Depýtat jastardy jumyspen qamtýǵa qatysty oıyn bólisti

Foto: ashyq derekkóz

Májiliste «Qazaqstan Respýblıkasynyń keıbir zańnamalyq aktilerine taýarlardyń shyǵarylǵan elin aıqyndaý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy birinshi oqylymda qaraldy. Májilis depýtaty, Májilistegi «AMANAT» partııasy frakııasynyń jetekshisi Elnur Beısenbaev Májilistiń jalpy otyrysynda depýtattar ázirlegen jańa zań jobasynyń mańyzyna toqtalyp, ózekti máselelerge toqtaldy, dep habarlaıdy qandastar.kz

Elimizde búgingi kúnniń basty máselesi – kún saıyn ósip jatqan baǵa men ulttyq valıýtanyń turaqsyzdyǵy. Bul másele ár otbasyny alańdatyp otyr. Halyqtyń tabysy azaıyp, erteńgi kúnge degen senimi joǵalýda. Sondaı-aq, jyl saıyn eńbek naryǵyna 2000 jyldardyń basynda dúnıege kelgen júzdegen myń jas qazaqstandyqtardyń qosylýy ekonomıkamyzǵa úlken júkteme ákelýde. Bizdiń bilimdi ári eńbekqor jastarymyz adal eńbek etip, mansap quryp, bolashaǵyna senimdi bolǵysy keledi. Alaıda elde óndiristik kásiporyndardyń jetispeýshiliginen laıyqty jumys tabý qıyn. Bárimiz jýyrda ǵana Ulttyq qordan trıllıondaǵan transfertter men salyq jınaýdaǵy úlken máselelerdi qamtıtyn bıýdjet qabyldaǵanymyzdy eske alaıyq. Bul máseleler jaıly kún saıyn BAQ-ta túrli syn aıtylýda – dedi Elnur Beısenbaev.

Bul rette, depýtat mınıstrler kabınetiniń jumysyna da syn aıtty.

Bizdiń mınıstrler jýrnalısterdiń ekonomıka qashan ońalatyny týraly suraqtaryna naqty jaýap bere almaı otyr. Halyqaralyq jaǵdaıǵa silteme jasaýmen shekteledi. Biraq mundaı jaýaptar halyqty ashýlandyrady. Adamdar bizden basqa áreket kútýde. Sonymen qatar, Úkimettiń kún tártibinen el ekonomıkasyn eki ese ulǵaıtýǵa baǵyttalǵan Jańa ekonomıkalyq saıasat ta túsip qalǵanyn kórip otyrmyz. Bul mindet kezinde Memleket basshysy tarapynan qoıylyp, búkil qoǵamnyń qoldaýyna ıe bolǵan edi. Barshaǵa túsinikti: elimizge úlken ári júıeli ózgerister qajet. Sarapshylardyń bári jańa jumys oryndaryn ashatyn, salyq tóleıtin jáne halyqty otandyq taýarlarmen qamtamasyz etetin myqty óndiris oryndary kerektigin aıtady. Biraq bul óndirister ózdiginen paıda bolmaıdy. Olardy damytý úshin jaǵdaı jasaý kerek. Búgin biz osy baǵytta úlken qadam jasaıtyn zań jobasyn talqylap otyrmyz. Bul zańdy bastama kóterip, jumys tobyn basqarǵan – «AMANAT» partııasynyń depýtattary. Zańda qazaqstandyq taýarlardyń reestrin qurý men júrgizýdiń adal ári ashyq sharttary qarastyrylǵan, – dedi ol.

Depýtattyń sózinshe, bul degenimiz – elimiz boıynsha jańa óndiristerdiń ashylýy. Reestrge kirý bızneske tegin bolady jáne merzimsiz negizde júrgiziledi. О́ndiris «Made in Kazakhstan» standarty boıynsha naqty talaptarǵa saı jumys isteıtin bolady. О́ndiristiń árbir kezeńi ıfrlyq verıfıkaııa arqyly baqylanady. Salyq tóleý, jumysshylarǵa áleýmettik tólemder aýdarý, jalaqy men kommýnaldyq tólemder sekildi kórsetkishter jasandy ıntellekt arqyly únemi tekserilip otyrady. Bul proess tolyqtaı onlaın formatta júzege asyrylyp, bızneske eshqandaı qosymsha júkteme bolmaıdy. Budan bylaı jalǵan kásiporyndar, ıaǵnı birde-bir qyzmetkersiz, tek mór men qazaqstandyq belgi japsyrmalar arqyly mıllıondaǵan teńge tabys tapqan uıymdar tarıh qoınaýyna ketedi.

Memleket jyl saıyn qazaqstandyq óndirýshilerdi qoldaýǵa trıllıondaǵan teńge bóledi. Bul – ınfraqurylym, salyqtyq jeńildikter, jeńildetilgen qarjylandyrý, memlekettik satyp alýlardaǵy basymdyqtar jáne basqa da qoldaýlar. Sondyqtan Prezıdenttiń bızneske jumys isteıtin kásiporyndar men ımportqa táýeldilikti tómendetý talabyn qoıýy oryndy. Halyq ta bıýdjetten jumsalǵan trıllıondaǵan qarajattyń nátıjesin kórgisi keledi: dúken sórelerinde sapaly otandyq taýarlardyń bolýyn jáne olardyń baǵasynyń turaqtylyǵyn kútedi. Bul – ekonomıkalyq táýelsizdik. Búgin talqylanyp jatqan zań jobasy memlekettik qoldaýdy naqty jumys istep turǵan óndiristerge ǵana baǵyttaýǵa múmkindik beredi. Biz adal bıznes pen shynaıy básekelestikke jaǵdaı jasaımyz. О́tkende jiberilgen qatelikterdi qaıtalaýǵa ýaqyt joq. Bul zań osyndaı jaǵdaılarǵa jol bermeıdi, – dedi Elnur Beısenbaev.