Depýtattar «Báıterek» zymyran kesheniniń qurylysymen tanysty

Foto: ashyq derekkóz

Depýtattar «Báıterek» zymyran kesheniniń qurylysymen tanysty, dep jazdy qandastar.kz

Depýtattar Qazaqstan men Reseı úkimetteri arasyndaǵy «Báıterek» ǵarysh zymyran keshenin qurý týraly kelisimge ózgerister engizý jónindegi Hattamany ratıfıkaııalaý týraly zań jobasymen jumys aıasynda «Baıqońyr» ǵarysh aılaǵyna bardy. Jumys tobynyń kóshpeli otyrysyna Májilis depýtattary Dúısenbaı Turǵanov, Pavel Kazanev, Bolat Kerimbek, Senat depýtaty Galıasqar Sarybaev, QR Prezıdentiniń «Baıqońyr» keshenindegi arnaıy ókili Qaırat Nurtaı, sondaı-aq QR ıfrlyq damý, ınnovaııalar jáne aeroǵarysh ónerkásibi mınıstrliginiń Aeroǵarysh komıteti men «Báıterek» Qazaqstan-Reseı birlesken kásiporny» AQ-nyń jaýapty ókilderi qatysty.

Qazaqstandyq ǵaryshker Aıdyn Aıymbetovtiń aıtýynsha, bul keshen qazirgi «Zenıt-M» ǵarysh zymyran kesheniniń ınfraqurylymy negizinde salynýda jáne orta klasty jańa býyn «Soıýz 5» zymyran-tasyǵyshyn ushyrýǵa arnalǵan. Depýtattar bul joba Qazaqstanǵa spýtnıkterdi qurastyrýdan bastap, olardy ushyrý jáne el ekonomıkasynyń múddesine saı paıdalanýǵa deıingi ǵaryshtyq qyzmettiń tolyq ıklin júzege asyrýǵa múmkindik beretinine nazar aýdardy. Odan ári Parlament depýtattary «Zenıt-M» ǵarysh zymyran keshenindegi qurastyrý-synaq kesheni men ushyrý qondyrǵysyn jańǵyrtý jáne qaıta qurý boıynsha júrgizilip jatqan jumystarmen tanysty. Sondaı-aq olar «Soıýz-2» (31-alań) zymyran tasyǵyshynyń ushyrý keshenin kórip shyqty jáne Qazaqstannyń «Qazcosmos» baqylaý pýnktinen «Soıýz MS-27» transporttyq basqarylatyn ǵarysh kemesimen birge ushyrylǵan «Soıýz-2.1a» zymyran tasyǵyshynyń ushyrylýyn baqylady.