Depýtattyń kúıeýi zorlaǵan kámeletke tolmaǵan qyz taǵy da júkti bolyp qalǵan

2023 jyldyń qarashasynda búkil eldi dúr silkindirgen jaǵdaı oryn alǵan edi. Jańatasta aýdandyq máslıhat depýtatynyń kúıeýi 12 jastaǵy oqýshyny zorlaǵany belgili boldy. Qylmys 2022 jyldyń jazynda jasalǵan. Sol jyldyń qarashasynda qyzdyń anasy ony Jańatastaǵy ınternatqa ornalastyrǵan, dep habarlaıdy Qandastar.kz.
Bul týraly Skifnews.kz aqparat portaly jazdy.

Alaıda ınternat basshylyǵy qyzdyń júktiligin jasyrý úshin anasyna aıtpaı jasandy túsik jasatqan.

Osydan keıin birneshe qylmystyq is qozǵalyp, alty adam sottalǵan. Depýtattyń kúıeýine 20 jylǵa bas bostandyǵynan aıyrý jazasy kesildi. Keıin ınternat dırektory eki jylǵa sottaldy. Onyń orynbasary, medbıke men psıhologqa – úsh jyldan shekteý jazasy, al abort jasaǵan akýsherge – bir jylǵa bas bostandyǵynan aıyrý jazasy berildi. Olarǵa júktilikti zańsyz úzgeni, aýyr qylmysty jasyrǵany jáne qylmysqa qatysy barlyǵy úshin aıyp taǵyldy.

Keıinnen jábirlenýshi qyzdy kópbalaly jáne turmysy tómen otbasylardyń balalaryna arnalǵan Tarazdaǵy mektep-ınternatqa aýystyrǵan. Oblys ortalyǵynda bolǵan soń, erekshe baqylaýda bolady degen úmit boldy. Ári qoǵamda úlken rezonans týdyrǵan soń da jaǵdaı jiti qadaǵalanady dep sengen.

Biraq jýyrda onyń qaıtadan júkti ekeni anyqtaldy…

Qyz qazir shamamen segiz aılyq júktilikte. Bala ákesiniń kim ekeni týraly aqparat joq. Insaıderlerdiń aıtýynsha, júktilik kezdeısoq bolǵan.

Qyzdyń esepke alynǵanyna qaraǵanda, ınternat pen Jambyl oblysyndaǵy ýákiletti organdar bul jaǵdaıdan habardar. Biraq ony jasyrǵysy keledi. О́ıtkeni Jańatastaǵy ınternat basshylyǵy sııaqty jaýapqa tartylýdan qorqýy múmkin.

Tańǵalarlyǵy, eshkim qyzdyń anasyna suraq qoımaıdy. О́ıtkeni alǵash ret ol jazǵy demalysta júkti bolyp qalǵan. Al qazir júktiliktiń merzimine súıensek, balaǵa aıaǵy aýyr bolǵan sáti – qysqy, dálirek aıtqanda, jańa jyldyq kanıkýl kezi.