Дикий Арманның досы мен Келімбетовтің күйеу баласы: Дубайда қаржы пирамида басшысын тонаған кім?

Фото: Орда.кз

Жаңа жыл түні Дубайда Finiko қаржы пирамидасының негізін қалаушы Эдвард Сабировқа шабуыл жасалды. Ол миллиондаған долларлық алаяқтықтарымен танымал болғанына қарамастан, Дубайда тыныш өмір сүріп келген еді. Алайда, ол тоналғаннан кейін жағдай өзгере түсті, деп жазды qandastar.kz

Orda.kz редакциясына белгілі болған мәліметке сәйкес, бірнеше күн бұрын ұсталған екі адамнан бөлек, іске тағы бірнеше қатысушының қатысы бар. Олардың бірі үлкен сұрақ туғызуда, себебі ол бұрынғы саяси салмақты тұлға Қайрат Келімбетов пен қылмыс әлемінің беделдісі Арман Жұмагелдиев.

Зерттеуіміздің әлқиссасына тоқталайық

Қаңтар айының басынан бастап түрлі ақпарат көздері қарулы шабуыл мен 327 мың доллар ұрлау ісіне байланысты Анорбек Төмібаев пен Есболат Кенжеғазының ұсталғанын хабарлады. Олар Ресейден ұшып шығуға тырысқан кезде бірі Внуково әуежайында, екіншісі Домодедово әуежайында қолға түскен. Қазір оларды қылмыс болған Біріккен Араб Әмірліктеріне экстрадициялауға дайындауда. Айта кетерлігі, ұсталғандардың өздерінен ақша табылмаған. Болжам бойынша, күдіктілер БАӘ-дан ұшар алдында ақшаны криптовалютаға айналдырып үлгерген болуы мүмкін.

Артынша бұл оқиғаға жаңа есімдер қосылды. Атап айтар болсақ, Жанболат Серіков, Дамир Мұратов, Ернұр Алмахан, Нұржігіт Қалыбеков және Абзал Төкен. Бұл адамдардың кім екенін біз өз бетімізше анықтадық, өйткені мемлекеттік органдар жағдайға көз жұма қарап, түсініктеме беруден немесе ресми жауап ұсынудан бас тартқандай әсер қалдырды.

 Басты күдікті — қарызға белшесінен батқан магнат па?

Біздің дереккөздеріміздің мәліметінше, шабуылды ұйымдастырған — Жанболат Серіков. Ол 1985 жылы Маңғыстау облысында туғанымен, қазіргі уақытта Алматының элиталық ауданында тіркелген. 23 желтоқсанда Дубайға ұшып кетіп, 3 қаңтарда Стамбұлдан Бакуге келген кезде ұсталған.

Біз оқиғаның «басты кейіпкеріне» тереңірек үңілгенімізде, оның атына 3 миллиард теңгеден астам қарыз тіркелгенін анықтадық. Оның ішінде:  – «Банк Фридом Финанс» алдындағы берешегі — 90 миллион теңге,  – «Банк ЦентрКредит» — 800 миллион теңгеден астам,  – «ForteBank» — 2,3 миллиард теңге.

2023 жылдың 27 желтоқсанынан бастап оған Қазақстаннан шығуға тыйым салынған. Бұл жағдай жаңа сұрақ тудырады: күдікті елде бір жылдан астам уақыт болмағандықтан шетелде еркін жүрді ме, әлде 2023 жылдан кейін Қазақстан шекарасын заңсыз кесіп өтті ме?

 Жанболат Серіков және оның бизнес-империясына тоқталайық

Ашық дереккөздерге сүйенсек, Жанболат Серіковке «Кристалл» түнгі клубы тиесілі. Қарыздардың жалпы сомасы — 3 146 321 314 теңге — дәл осы бизнеске тіркелген. Клубтың нақты заңды мекенжайы көрсетілмегенімен, сөз Алматыдағы «Нұрлы Тау» бизнес орталығындағы караоке жайлы болуы мүмкін.

Серіков соңғы жылдары Алматыдағы ипотекалық компания және «Тойота Файнаншл Сервис Казахстан» микроқаржылық ұйымымен бірнеше рет соттасқан. Сонымен қатар, kompra.kz дерегіне сәйкес, күдіктінің толық аттасы — Жанболат Серікұлы Серіков — тағы 10 компанияны басқарады. Олардың қатарында:  – Оралдағы букмекерлік кеңсе,  – «ЭкоЦентр Банк» («Банк ЦентрКредиттің» еншілес ұйымы),  – «Гражданпромстройюг» ЖШС,  – «RR-Service» ЖШС,  – «Берцел» ЖШС,  – «Трест Шахтспецстрой» АҚ,  – «Universal Customs Services» ЖШС бар.

Жоғарыда жазылған кейбір компаниялар қазірдің өзінде таратылған.

Серіковтің байланыстары: ықпалды туыстар мен достары кім?

Жанболат Серіковтің өмірбаянында қомақты қарыздарынан бөлек тағы бір қызықты дерек бар — оның туыстық және достық байланыстары. Расталмаған мәліметтерге сүйенсек, ол бұрынғы Премьер-министрдің орынбасары әрі Ұлттық банк төрағасы болған Қайрат Келімбетовтің күйеу баласы болуы мүмкін. Серіковтің Шынар Нематова есімді экс-шенеуніктің қызына үйленгені айтылады.

Интернеттегі ақпарат аз болғанымен, 33 жастағы Шынардың сән-салтанатты кештер мен түрлі ашылуларға жиі қатысатыны белгілі. Әр шарадан кейін сән әлеміне арналған сайттар оның есімін атап өтуді ұмытпайды.

Шынар Нематованың жеке парақшасындағы сипаттамаға сәйкес, оның екі баласы бар. Алайда Instagram парақшасы жабық күйде, бұл оның жеке өмірін көпшілік назарынан қорғауға тырысатынын аңғартады.

Арман Жұмагелдиев пен Жанболат Серіковті не байланыстырады?

Қазіргі уақытта Қаңтар оқиғасына қатысты тергеліп жатқан Арман Жұмагелдиев,  яғни Дикий Арман, Жанболат Серіковтің жақын досы екені белгілі. Олар шетелде және Қазақстанда бірнеше рет кездескен. Бір нұсқа бойынша, Дикий Арман қаржы пирамидасының қашып кеткен басшысын қорғап, оған өз міндеттерін еске салғысы келген болуы мүмкін. Дегенмен, нақты себептерді тергеу анықтауы тиіс.

Сондай-ақ, 2014 жылы режиссер Ақан Сатаев Қазақстан мен Америка бірлескен «Хакер» триллерін түсірді. Жанболат Серіков фильмнің атқарушы продюсері болып, қаржыландыруды ұйымдастырды. Фильмнің бюджетін екі миллион доллар деп белгілегенмен, ол прокатта бар болғаны 11 мың доллар жинады.

Қалған күдіктілерге де тоқтала кетейік

Есболат Кенжеғазы— 1995 жылы Ақтөбе облысында туған. Ол табиғи газды көтерме саудамен сатумен айналысқан болуы мүмкін. 17 желтоқсанда Алматыдан Абу-Дабиға ұшып, 1 қаңтарда Мәскеуде ұсталған. Оның қаржылық жағдайы мен басқа да мәліметтер әзірге толық айтылмады.

Дамир Мұратұлы — 1986 жылы Түркістан облысында дүниеге келген. 2 қаңтарда Түркияда ұсталған. Оның жеке қарыздары бар:     – Kaspi банкіне 386 мың теңге,     – Forte банкіне 16 мың теңге,     – «Банк ЦентрКредит» АҚ-ға 30 мың теңге.

Дамир Мұратұлына елден шығуға салынған тыйым 2018 жылдан бастап күшінде. Сонымен қатар, оның иелігінде Holding Ivica Project компаниясы бар, бұл компанияның да 6 миллион теңге көлемінде қарызы бар, ал талап етуші — «Кока-Кола Алматы Боттлерс бірлескен кәсіпорны».

Анорбек Төмібаев — 1999 жылы Өзбекстанда туған, Алматыда тіркелген. Оның жай-күйі туралы ақпарат шектеулі, бірақ оған ҰҚК мен ІІМ Қазақстанда кіруге тыйым салған. Төмібаевтың банктер мен мемлекетке 25 миллионнан астам қарызы бар. Ол Алматыда тамақ жеткізу қызметін жүргізетін жеке кәсіпкерлікпен айналысады. Сонымен қатар, оның елден шығуына тыйым салынған.

Ернұр Алмахан — 2003 жылы Алматы облысында туған. Ол 2024 жылдың қыркүйек айында Алматыдан Дубайға ұшып кеткен.