جاڭالىقتار
ديماش قۇدايبەرگەن بۇۇ-نىڭ ىزگى نيەت ەلشىسى بولدى
15 اقپاندا حالىقارالىق كوشى-قون ۇيىمى (حكۇ) جاڭا ىزگى نيەت ەلشىلەرىنىڭ تاعايىندالعانىن دەدى,
قازاقستاندىق مۋزىكانت, ءانشى جانە كومپوزيتور ديماش قۇدايبەرگەن حالىقارالىق كوشى-قون ۇيىمىنىڭ ايماقتىق ىزگى نيەتتى ەلشىسى (ازياداعى ايماقتىق ءرولى) بولىپ تاعايىندالدى.
«مەن حالىقارالىق كوشى-قون ۇيىمىنىڭ ىزگى نيەت ەلشىسى رەتىندە ميگرانتتاردىڭ قۇقىقتارىن قورعاۋدى ماقتان تۇتامىن. ءاربىر ادامنىڭ قۇقى مەن مۇمكىندىكتەرى ءۇشىن اسپانى اشىق بەيبىت الەمدى بىرگە قۇرايىق», — دەپ مالىمدەمە جاسادى قۇدايبەرگەنوۆ.
ودان بولەك تاعى سەگىز الەمدىك جۇلدىز ەلشى اتاندى.
حالىقارالىق كوشى-قون ۇيىمى – كوشى-قون سالاسىنداعى جەتەكشى ۇكىمەتارالىق ۇيىم. ول گۋمانيستىك جانە تارتىپكە نەگىزدەلگەن كوشى-قون ميگرانتتار مەن قوعامعا تەك پايدا اكەلەدى دەپ ەسەپتەيدى. حالىقارالىق كوشى-قون ۇيىمى بىرىككەن ۇلتتار ۇيىمىنىڭ جۇيەسىنە 2016 جىلى اسسوتسياتسيالانعان ۇيىم رەتىندە قوسىلعان.
