جاڭالىقتارمادەنيەت
ديماش قۇدايبەرگەن «قازاقستاننىڭ ىزگى نيەت ەلشىسى» مارتەبەسىنە يە بولدى
فوتو: اشىق دەرەككوز
2024 جىلى 9 جەلتوقساندا قازاقستاننىڭ حالىق ءارتىسى ديماش قۇدايبەرگەن «قازاقستاننىڭ ىزگى نيەت ەلشىسى» مارتەبەسىن الدى, دەپ جازدى qandastar.kz
مەملەكەت باسشىسىنىڭ باستاماسىمەن «قازاقستاننىڭ ىزگى نيەت ەلشىلەرى» جوباسى مادەنيەتتەر مەن حالىقتار اراسىنداعى ديالوگتى دامىتۋعا, سونداي-اق ەلدىڭ تانىلۋىن ارتتىرۋعا جانە ونىڭ جەتىستىكتەرىن شەتەلدە تانىمال ەتۋگە باعىتتالعان. جوبا 2024 جىلدىڭ 6 ماۋسىمىندا باستالدى.
2024 جىلعى 9 جەلتوقساندا قازاقستان رەسپۋبليكاسى سىرتقى ىستەر مينيسترلىگىندە سىرتقى ىستەر ءمينيسترىنىڭ ءبىرىنشى ورىنباسارى اقان راحمەتۋلليننىڭ قاتىسۋىمەن «قازاقستاننىڭ ىزگى نيەت ەلشىلەرىن» تاعايىنداۋ جونىندەگى ەكىنشى سالتاناتتى ءراسىم ءوتتى.
جوباعا قاتىسۋ ءۇشىن حالىق ءارتىسى ديماش قۇدايبەرگەن, وپەرا ءانشىسى ماريا مۋدرياك, تەلەجۇرگىزۋشى جانە مادەني جوبالاردىڭ پروديۋسەرى مايا بەكباەۆا, ارحەولوگ جانە قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ مۇشەسى دميتري ۆوياكين, «Qazaq Geography» باسقارما باسشىسى, ەتنوگراف عالىم ايگەرىم مۇساعاجينوۆا شاقىرىلدى.
قازاقستاندا ىزگى نيەت ەلشىلەرىنىڭ تابىستى حالىقارالىق تاجىريبەسىنە ونەر, سپورت, عىلىم, مەديتسينا جانە باسقا دا سالالاردا تابىسقا جەتكەن وتانداستاردى تارتۋ – ەلدىڭ بەدەلىن نىعايتۋعا جانە بەيبىتشىلىك, دوستىق پەن حالىقارالىق ىنتىماقتاستىقتىڭ جولسەرىگى بولىپ تابىلاتىن مادەني-گۋمانيتارلىق بايلانىستاردى كەڭەيتۋگە باعىتتالعان.
«ىزگى نيەت ەلشىسىنىڭ مارتەبەسى تەك بەدەل عانا ەمەس, سونىمەن بىرگە ۇلكەن جاۋاپكەرشىلىك. جوبا اياسىندا ءبىز مادەنيەت, ونەر, عىلىمي پروگرەس, يننوۆاتسيالار, سپورتتىق جەڭىستەر, كرەاتيۆتى شەشىمدەر مەن تۋريستىك الەۋەت سياقتى ماڭىزدى دۇنيەلەرمەن جانە قازاقستان حالقىنىڭ باستى قۇندىلىعى – بەيبىتشىلىك پەن كەلىسىمدى ساقتاۋمەن تانىستىرۋدى جالعاستىرۋعا نيەتتىمىز», − دەپ اتاپ ءوتتى ا.راحمەتۋللين.
