Dımash Qudaıbergen «Qazaqstannyń izgi nıet Elshisi» mártebesine ıe boldy

Foto: ashyq derekkóz

2024 jyly 9 jeltoqsanda Qazaqstannyń halyq ártisi Dımash Qudaıbergen «Qazaqstannyń Izgi nıet Elshisi» mártebesin aldy, dep jazdy qandastar.kz

Memleket basshysynyń bastamasymen «Qazaqstannyń izgi nıet Elshileri» jobasy Mádenıetter men halyqtar arasyndaǵy dıalogty damytýǵa, sondaı-aq eldiń tanylýyn arttyrýǵa jáne onyń jetistikterin shetelde tanymal etýge baǵyttalǵan. Joba 2024 jyldyń 6 maýsymynda bastaldy.

2024 jylǵy 9 jeltoqsanda Qazaqstan Respýblıkasy Syrtqy ister mınıstrliginde Syrtqy ister mınıstriniń birinshi orynbasary Aqan Rahmetýllınniń qatysýymen «Qazaqstannyń izgi nıet elshilerin» taǵaıyndaý jónindegi ekinshi saltanatty rásim ótti.

Jobaǵa qatysý úshin Halyq ártisi Dımash Qudaıbergen, opera ánshisi Marııa Mýdrıak, telejúrgizýshi jáne mádenı jobalardyń prodıýseri Maııa Bekbaeva, arheolog jáne Qazaqstan Respýblıkasynyń IýNESKO jáne ISESKO isteri jónindegi ulttyq komıssııasynyń múshesi Dmıtrıı Voıakın, «Qazaq Geography» basqarma basshysy, etnograf ǵalym Áıgerim Musaǵajınova shaqyryldy.

Qazaqstanda izgi nıet Elshileriniń tabysty halyqaralyq tájirıbesine óner, sport, ǵylym, medıına jáne basqa da salalarda tabysqa jetken otandastardy tartý – eldiń bedelin nyǵaıtýǵa jáne beıbitshilik, dostyq pen halyqaralyq yntymaqtastyqtyń jolserigi bolyp tabylatyn mádenı-gýmanıtarlyq baılanystardy keńeıtýge baǵyttalǵan.

«Izgi nıet Elshisiniń mártebesi tek bedel ǵana emes, sonymen birge úlken jaýapkershilik. Joba aıasynda biz mádenıet, óner, ǵylymı progres, ınnovaııalar, sporttyq jeńister, kreatıvti sheshimder men týrıstik áleýet sııaqty mańyzdy dúnıelermen jáne Qazaqstan halqynyń basty qundylyǵy – beıbitshilik pen kelisimdi saqtaýmen tanystyrýdy jalǵastyrýǵa nıettimiz», − dep atap ótti A.Rahmetýllın.