Dımash Qudaıbergen Qytaıdyń Hunan TV arnasyndaǵy jobada prodıýser bolady

Ánshi 2025 jylǵy qazanda Nıý-Iork qalasynyń Madison Square Garden stadıonynda jeke konertin ótkizýdi josparlap otyr, dep habarlaıdy Qandastar.kz aqparattyq portaly.

Belgili qazaqstandyq ánshi Dımash Qudaıbergen Almatyda ótken fan-kezdesýde tyńdarmandaryna qýanyshty jańalyǵyn aıtty. О́nerpaz qytaılyq Hunan TV teleranasymen birlese jańa vokaldyq telejobanyń prodıýseri bolmaq.
Ánshi, sondaı-aq, atalǵan jobada ádilqazy alqalar múshesi bolatynyn jetkizdi.

«Meniń álemniń túkpir-túkpirinde atymnyń tanylýyna alǵash bolyp septigin tıgizgen I am singer úlken jobasyn kórsetken Hunan TV arnasy kópshiliktiń esinde bolar… Sol Hunan TV arnasymen birlesip jasaıtyn alǵashqy prodıýserlik jumysym jaryqqa shyqqaly jatyr. Ol da I am singer jobasyna uqsaıdy. Osy jobada prodıýser retindegi aıaq alysym sizderdiń aldylaryńyzda ótpek jáne men ádilqazylar múshesi bolamyn. Mýzyka salasynda aty ańyzǵa aınalǵan álemdik juldyzdar men jas ánshiler óskeleń urpaqqa qoldaý kórsetý úshin jumystas bolýǵa nıet etip otyrmyz. Qazaqta «Aryq aıtyp, semiz shyq» degen sóz bar. Sol sebepti ázirge osyndaı qysqa aqparat qana berýdi jón kórip otyrmyn. Aldaǵyny barlyǵymyz birge kóretin bolamyz», – dedi Dımash Qudaıbergen.