ديماش قۇدايبەرگەن جاڭا وبرازىمەن كوپشىلىكتى تاڭعالدىردى

فوتو: الەۋمەتتىك جەلىدەن

ديماش قۇدايبەرگەن كوپشىلىككە بۇرىن-سوڭدى بولماعان جاڭا بەينەسىن ۇسىنىپ, جۇرتتى تاڭعالدىردى, دەپ جازدى qandastar.kz. 

الەۋمەتتىك جەلىلەردە ول ۇلتتىق ەپوس ستيلىندە تۇسىرىلگەن بەينەجازباسىن جاريالاپ, بىردەن قولدانۋشىلاردىڭ نازارىن وزىنە اۋداردى.

الەم ساحنالارىندا ءوزىن مويىنداتقان ونەر يەسى بۇل جولى قازاقي كيىم كيىپ, باتىر كەيپىندە كورىنىپ, ەرەكشە اسەر قالدىردى. ۆيدەونىڭ كوركەمدىك تۇجىرىمداماسى – ءداستۇر مەن زاماناۋي ەلەمەنتتەردىڭ ۇيلەسىمدى توعىسى: اسەرلى مۋزىكا, رۋحتى كورىنىستەر جانە ۇلتتىق ناقىشتاعى كيىمدەر كورەرمەنگە تەرەڭ اسەر بەردى.

بەينەجازبانى كورگەن جەلى قولدانۋشىلارى جىلى پىكىرلەرىن جاۋدىردى:

«شىن مانىندە قازاق رۋحىن تانىتقان بەينە», «ديماش – ناعىز مادەني ەلشى», «ءداستۇر مەن جاڭاشىلدىقتى شەبەر ۇيلەستىرگەن» دەگەن سەكىلدى پىكىرلەر كوپتەپ جازىلدى.

اتالعان بەينەروليك رەسمي مۋزىكالىق كليپ پە, الدە كرەاتيۆتى جوبا ما – بۇل جاعى ازىرگە بەلگىسىز. الايدا جانكۇيەرلەر ديماشتان الداعى ۋاقىتتا ناقتى اقپارات كۇتۋدە.