دينا تورەالى: ءبىر اپتادا 7 ميلليون جۇمسادىم

فوتو: جەكە قورىنان

بەلگىلى بلوگەر دينا تورەالى قارجىلىق ساۋاتى بولماعان سوڭ اقشاسىن باسقارا الماعانىن ايتتى, دەپ حابارلايدى qandastar.kz aikyn.kz سىلتەمە جاساپ.

بۇل تۋرالى ول ءوزىنىڭ instagram storiesپاراقشاسىندا جاريالادى.

“ماعان سىيلىققا بەرگەن كولىكتى ساتىپ جىبەرگەنمىن. سودان تۇسكەن 7 ملن تەڭگەنى ءبىر اپتادا قۇرتىپ تاستادىم. نەگىزى ك ۇلىپ ايتاتىن نارسە ەمەس. ول كەزدە جاسپىن. قارجىلىق ساۋاتتىلىق 0 بولدى. وسى جەردە ادامنىڭ جاعدايى دا ماڭىزدى عوي. ادام ەگەر دە 200 مىڭ تەڭگەنى دۇرىس باسقارا الماسا, وعان ميلليوندار قايدان كەلسىن», – دەپ جازدى بلوگەر.

سونىمەن قاتار جەلى جۇلدىزى 3 ميلليون تەڭگە قارىزعا كىرگەنىن دە ايتىپ بەردى.

“العا ماقسات قويسام قايتپايتىن ادەتىم بار. تاۋەكەل ەتۋدەن قورىقپايمىن. سول كەزدە دە تاۋەكەل ەتىپ, بالالار كيىمى دۇكەنىن اشقانمىن. اعامنىڭ قىزدارىن مودەل ەتىپ, سۋرەتكە تۇسىرەتىنمىن. ءبىر قىزىقتى ەستەلىكتەر. ەسىمە تۇسسە جۇرەگىم جىلىپ قالادى. وكىنبەيمىن. ۇلكەن ساباق الدىم. سونىمەن بۇل كاسىبىمە ويىم دا دايىن بولماعان. بىردەن 3 ملن تەڭگەگە مينۋسقا كەتتىم. كۇيزەلىسكە ءتۇسىپ كەتپەۋ ءۇشىن اللاعا تاۋەكەل ەتە ءبىلۋىم قۇتقاردى», – دەدى دينا.