Dına Tóreáli: Bir aptada 7 mıllıon jumsadym

Foto: jeke qorynan

Belgili bloger Dına Tóreáli qarjylyq saýaty bolmaǵan soń aqshasyn basqara almaǵanyn aıtty, dep habarlaıdy qandastar.kz aikyn.kz silteme jasap.

Bul týraly ol óziniń instagram storiesparaqshasynda jarııalady.

“Maǵan syılyqqa bergen kólikti satyp jibergenmin. Sodan túsken 7 mln teńgeni bir aptada qurtyp tastadym. Negizi kúlip aıtatyn nárse emes. Ol kezde jaspyn. Qarjylyq saýattylyq 0 boldy. Osy jerde adamnyń jaǵdaıy da mańyzdy ǵoı. Adam eger de 200 myń teńgeni durys basqara almasa, oǵan mıllıondar qaıdan kelsin», – dep jazdy bloger.

Sonymen qatar jeli juldyzy 3 mıllıon teńge qaryzǵa kirgenin de aıtyp berdi.

“Alǵa maqsat qoısam qaıtpaıtyn ádetim bar. Táýekel etýden qoryqpaımyn. Sol kezde de táýekel etip, balalar kıimi dúkenin ashqanmyn. Aǵamnyń qyzdaryn model etip, sýretke túsiretinmin. Bir qyzyqty estelikter. Esime tússe júregim jylyp qalady. О́kinbeımin. Úlken sabaq aldym. Sonymen bul kásibime oıym da daıyn bolmaǵan. Birden 3 mln teńgege mınýsqa kettim. Kúızeliske túsip ketpeý úshin Allaǵa táýekel ete bilýim qutqardy», – dedi Dına.