جاڭالىقتار
ءدىني الاۋىزدىقتى قوزدىرعان 12 قازاقستاندىق سوتتالدى
27 مامىردا ءدىني-ەكسترەميستىك ۇيىمنىڭ ارەكەتىن ۇيىمداستىردى جانە وعان قاتىسى بار دەگەن ايىپپەن 12 قازاقستاندىق بويىنشا سوت ۇكىمى زاڭدى كۇشىنە ەندى, دەپ حابارلايدى ۇلتتىق قاۋىپسىزدىك كوميتەتىنىڭ ءباسپاسوز قىزمەتى.
«جۇرگىزىلگەن تەرگەۋ بارىسىندا سوتتالعانداردىڭ قازاقستان اۋماعىندا ءدىني الاۋىزدىقتى قوزدىرۋ, تەرروريستىك جانە ەكسترەميستىك يدەولوگيانى تاراتۋ ماقساتىن كوزدەپ, سونداي-اق جاڭا جاقتاستاردى تارتۋمەن اينالىسقانى انىقتالدى», — دەلىنگەن كوميتەت حابارلاماسىندا.
استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىمەن ولار 9 جىلدان 18 جىلعا دەيىن باس بوستاندىعىنان ايىرىلدى.
سوتتالعانداردىڭ كوبى بۇرىن اۋىر قىلمىستار, سونىڭ ىشىندە پوليتسيا قىزمەتكەرىن ءولتىرۋ, قاراقشىلىق, توناۋ, ادام ۇرلاۋ جانە ەسىرتكى زاتتارىن وتكىزۋ ءۇشىن سوتتى بولعان.
