Dızel otyny tapshylyǵy úshin qyzmetinen bosatylǵan burynǵy energetıka vıe-mınıstri «Qazmunaıgazda» jańa qyzmetke taǵaıyndaldy

Foto: Ashyq derekkóz

2023 jyly sáýirde eldegi dızel otyny tapshylyǵyna baılanysty energetıka vıe-mınıstri qyzmetinen bosatylǵan Áset Maǵaýov jańa qyzmetke taǵaıyndaldy, dep habarlaıdy Qandastar.kz kursiv.media silteme jasaı otyryp.

Iaǵnı, «QazMunaıGaz» UK AQ basshylyq quramy ózgerdi. Basqarma tóraǵasynyń orynbasary qyzmetine dál osy burynǵy energetıka vıe-mınıstri keldi.

Áset Maǵaýov pen birge QMG basqarma tóraǵasynyń taǵy bir orynbasary bolyp Bekzat Abaıyldanov taǵaıyndaldy.

Bul rette Áset Maǵaýov munaı óńdeý jáne munaı hımııasy, munaı óńdeý zaýyttarynyń qyzmeti máselelerine jetekshilik etpek.

Al Bekzat Abaıyldanov munaı jáne gaz óndirý, geologııalyq barlaý baǵytyn basqarady.

Atalǵan azamattar Qazaqstannyń munaı-gaz salasynda burynnan jumys istep kele jatqan adamdar. Máselen, Maǵaýov eńbek jolyn 1994 jyly «Teńizmunaıgaz» AQ-da ekonomıst bolyp bastaǵan.

Ár jyldary energetıka vıe-mınıstri, munaı jáne gaz vıe-mınıstri bolyp jumys istedi. Sondaı-aq «Teńizshevroıl» JShS bas dırektorynyń orynbasary, «Mańǵystaýmunaıgaz» AQ bas dırektory qyzmetin atqardy. «QazMunaıGaz» UK JAQ basqarýshy dırektory, Munaı-gaz mashınalaryn jasaýdy damytýdyń halyqaralyq ortalyǵynyń bas dırektory qyzmetterin atqardy. 2019 jyly energetıka vıe-mınıstri qyzmetine kelip, 2023 jyly bosatyldy.

Al Bekzat Abaıyldanov eńbek jolyn «О́zenmunaıgaz» AQ fılıalynyń №1 munaı-gaz óndirý basqarmasynda operator kómekshisi bolyp bastady. Ár jyldary «QazMunaıGaz» Barlaý О́ndirý» AQ bas dırektorynyń óndiris jónindegi orynbasary boldy. «О́zenmunaıgaz» AQ bas dırektory, «QazTransGaz» AQ basqarma tóraǵasynyń geologııalyq barlaý jáne óndirý jónindegi orynbasary qyzmetin atqardy. «Kaspıı Munaı» AQ bas dırektory boldy.

Eske sala ketsek, 2023 jyly sol kezdegi vıe-mınıstr Maǵaýov janar-jaǵarmaı baǵasy birtindep kóteriletinin málimdegen edi. Sol tusta ol Qazaqstanda janarmaı baǵasyn EAEO elderimen teńestirýdi usynǵan.