الەم جاڭالىقتارى
دونالد ترامپ قازاقستانعا باج سالىعىن ەنگىزۋ تۋرالى قۇجاتقا قول قويدى
فوتو: White House in Washington (AP)
قۇجات اق ءۇي سايتىندا جاريالاندى.
اقش پرەزيدەنتى دونالد ترامپ قازاقستانعا 25 پايىزدىق باج سالىعىن ەنگىزۋ تۋرالى جارلىققا قول قويدى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
تىزىمدە قازاقستاننان بولەك 60-تان استام مەملەكەتتىڭ اتى اتالادى. ولاردىڭ قاتارىندا ءۇندىستان, تۇركيا, يزرايل, مولدوۆا, شۆەيتساريا, ۆەتنام, وڭتۇستىك كورەيا جانە ەۋروداق ەلدەرى بار. بۇل ەلدەرگە 15 پايىزدان 41 پايىزعا دەيىن باج سالىعى ەنگىزىلگەن. قازاقستانعا 25 پايىزدىق كەدەندىك تاريف قولدانىلماق. بۇل تۋرالى 2025 جىلعى 31 شىلدەدە اق ءۇي سايتىندا جاريالانعان جارلىقتا جازىلعان.
CNN مالىمەتىنشە, باج سالىعى 7 تامىزدا كۇشىنە ەنەدى. سەبەبى كەدەندىك جانە شەكارا قىزمەتىنە قاتىستى وزگەرىستەردى ەنگىزۋگە ۋاقىت كەرەك.
