Álem jańalyqtary
Donald Tramp Qazaqstanǵa baj salyǵyn engizý týraly qujatqa qol qoıdy
Foto: White House in Washington (AP)
Qujat Aq úı saıtynda jarııalandy.
AQSh Prezıdenti Donald Tramp Qazaqstanǵa 25 paıyzdyq baj salyǵyn engizý týraly jarlyqqa qol qoıdy, dep habarlaıdy qandastar.kz Skifnews.kz aqparat portalyna silteme jasap.
Tizimde Qazaqstannan bólek 60-tan astam memlekettiń aty atalady. Olardyń qatarynda Úndistan, Túrkııa, Izraıl, Moldova, Shveıarııa, Vetnam, Ońtústik Koreıa jáne Eýrodaq elderi bar. Bul elderge 15 paıyzdan 41 paıyzǵa deıin baj salyǵy engizilgen. Qazaqstanǵa 25 paıyzdyq kedendik tarıf qoldanylmaq. Bul týraly 2025 jylǵy 31 shildede Aq úı saıtynda jarııalanǵan jarlyqta jazylǵan.
CNN málimetinshe, baj salyǵy 7 tamyzda kúshine enedi. Sebebi kedendik jáne shekara qyzmetine qatysty ózgeristerdi engizýge ýaqyt kerek.
