Donald Tramp saılaýda jeńiske jetti

Foto: ashyq derekkóz

AQSh-tyń 47-prezıdenti retinde Donald Tramp resmı túrde tanylyp, saılaýdyń sheshýshi 270 daýysyn ıelendi, dep habarlaıdy qandastar.kz

AQSh iri aqparat quraldary aqparaty boıynsha, Tramp Kamala Harrıske qaraǵanda daýys jınap, prezıdenttik orynǵa qaıta oralýda. Degenmen, resmı qorytyndylar áli jarııalanǵan joq.

Tramp jaqtastaryna arnaǵan sózinde Amerıkanyń aldaǵy «altyn ǵasyryna» jol ashylatynyn ýáde etti.

«Men sizder úshin kún saıyn kúresemin. Bizdiń balalarymyz ben sizder laıyqty tynysh jáne gúldengen Amerıkany qurý úshin tynymsyz eńbek etemin. Bul bizdiń jańa altyn dáýirimiz bolady», – dedi ol.

Bul saılaýda Tramp sheshýshi Pensılvanııa, Djordjııa, Soltústik Karolına, Nevada, Arızona, Mıchıgan jáne Vıskonsın sııaqty «aınymaly» shtattarda kósh bastady. Bul shtattardaǵy 93 daýys búkil kúrestiń negizgi arqaýy boldy.

«Bul AQSh tarıhyndaǵy eń uly saıası kambek boldy», – dep baǵa berdi Tramptyń vıe-prezıdenttikke kandıdaty Djeı Dı Vens.

Respýblıkashyldardyń basty telearnasy Foxnews málimetinshe, Tramp 277 saılaýshy daýysyna ıe bolsa, Harrıs 226 daýys jınady. Reuters agenttigi О́kilder palatasynyń spıkeri Maık Djonsonǵa silteme jasap, Tramptyń jeńisin jarııalady. CNN jáne NBC News derekteri de Pensılvanııadaǵy jeńisti Tramptyń enshisine jazdy, onda daýystardyń 95% óńdelgen nátıjesinde Tramp 50%, Harrıs 48% jınaǵan.

AQSh vıe-prezıdenti jáne Demokratııalyq partııadan úmitker Kamala Harrısdiń 23 qazanda ótken respýblıkashyl Donald Tramppen saılaý aldyndaǵy kezekti debaty ótti.

Buǵan deıin Tramp eger prezıdent pen úkimet basyndaǵylar aýyspasa – Úshinshi dúnıejúzilik soǵys úsh aıdan keıin bastalýy múmkin dep boljaǵan bolatyn. Sondaı-aq, Tramp eger Kamala Harrıs saılansa  da dúnıejúzilik soǵys bastalady dep jurtty shoshytqan edi.

Orda.kz. AQSh eks-prezıdentiniń saılaýǵa qatysýyna tyıym salýǵa árekettengen úsh shtattyń soty týraly da jazǵan bolatyn.