Jańalyqtar
DSM derekter bazasyna zańsyz kirgen eki qazaqstandyqqa 1,1 mıllıon teńge aıyppul salyndy
Foto: Zakon.kz
QR Ulttyq qaýipsizdik komıteti prokýratýranyń úılestirýimen Qazaqstan Respýblıkasy Densaýlyq saqtaý mınıstrliginiń aqparattyq júıelerine zańsyz qol jetkizgeni úshin Jetisý oblysynyń eki turǵynyna qatysty qylmystyq is boıynsha tergeýdi aıaqtady, dep habarlaıdy qandastar.kz
Bul týraly búgin, 2025 jyldyń 10 aqpanynda UQK Telegram arnasynan belgili boldy.
«Aǵymdaǵy jyldyń 30 qańtarynda Taldyqorǵan qalasy sotynyń sheshimimen olar Qylmystyq kodekstiń 205-babynyń 2-bóliginde jáne 208-babynyń 2-bóliginde kózdelgen qylmystardy jasaǵany úshin kináli dep tanylyp, 300 aılyq eseptik kórsetkish mólsherinde aıyppul salýǵa sottaldy», – dep jazylǵan resmı aqparatta.
Tergeý barysynda medıınalyq qyzmetkerlerdiń tirkelgilerin zańsyz ıemdený arqyly olardyń QR Densaýlyq saqtaý mınıstrliginiń «Tirkelgen halyq tizilimi» jáne «Damumed» aqparattyq júıelerine zańsyz qol jetkizgeni anyqtady.
Zakon.kz jazǵandaı, 2025 jyldyń 6 aqpanynda Taldyqorǵan qalalyq soty tutqynǵa qosymsha úkim shyǵarǵany habarlandy. Terrorlyq akt týraly kórineý jalǵan habar bergeni úshin er adamǵa jańa jaza kesildi.
