«دۋبايدا 3000 پاتەر بار»: نە سەبەپتى شەتەلدەگى مۇلكى ءۇشىن قازاقستاندىق وليگارحتارعا سالىق سالىنبايدى

فوتو: اشىق دەرەككوز

دەپۋتات رينات زايىتوۆ دۋبايدان جىلجىمايتىن م ۇلىك ساتىپ العان قازاقستاندىق وليگارحتاردىڭ قازاقستاندا ءسان-سالتانات سالىعىن تولەمەي وتىرعانىن ايتتى. بۇل تۋرالى qandastar.kz/ Stan.kz اقپارات اگەنتتىگىنە سىلتەمە جاساپ حابارلايدى.

ۇكىمەت 450 ميلليون تەڭگەدەن اساتىن جىلجىمايتىن م ۇلىك پەن قۇنى 75 ميلليون تەڭگەدەن اساتىن اۆتوكولىكتەرگە ۇلعايتىلعان سالىقتى ەنگىزۋدى ۇسىنىپ وتىر. سونداي-اق قىمبات الكوگول, تەمەكى, كەمەلەر مەن ۇشاقتارعا دا قوسىمشا اكتسيز ەنگىزىلمەك.

وسى ورايدا دەپۋتات رينات زايىتوۆ ۇكىمەتتىڭ شەتەلدە قىمبات جىلجىمايتىن م ۇلىكتەرى بار قازاقستاندىقتاردى سالىق تولەۋگە نەگە مىندەتتەمەيتىنىن سۇرادى.

«جاقىندا دۋبايدا 3000-نان استام پاتەرى بار ازاماتتاردى تاپتىق. ولاردىڭ ارقايسىسىنىڭ قۇنى 500 ميلليون تەڭگەدەن كەم ەمەس (بۇل ەۋروپالىق وداق ساراپشىلارىنىڭ بايانداماسىندا ايتىلعان). شەتەلدە جىلجىمايتىن مۇلكى بارلارعا نەگە سالىق سالىنبايدى? نەگە ءبىز ولارعا سالىق سالمايمىز? بۇل مۇنداي كىرىستى جاسىرۋعا كەدەرگى بولۋى مۇمكىن», – دەدى دەپۋتات.

قارجى ۆيتسە-ءمينيسترى ەرجان ءبىرجانوۆ جىلجىمايتىن م ۇلىك سالىعى م ۇلىك ورنالاسقان ەلدە تولەنەتىنىن ايتتى.

«مىسالى, دۋباي ازاماتى بىزدەن پاتەر ساتىپ السا, وعان دۋباي ۇكىمەتى ەمەس, ءبىز سالىق سالامىز. اۋىلدا ءۇيىڭىز بولسا, بۇل سالىق وسى وبلىستىڭ بيۋدجەتىنە تۇسەدى», – دەدى ول.

دۋبايداعى قازاقستاندىقتارعا تيەسىلى ءۇش مىڭ پاتەرگە قاتىستى ۆيتسە-مينيستر بۇل جىلجىمايتىن م ۇلىكتى الۋدىڭ زاڭدىلىعىن باس پروكۋراتۋرا تەكسەرەتىنىن ءتۇسىندىردى.

«بۇل وليگارحتاردىڭ مەنشىگى, ونى زاڭسىز نەمەسە قىلمىستىق توپ يەمدەنۋى مۇمكىن. بۇل زاڭدى تۇردە تەكسەرىلەدى», – دەدى ءبىرجانوۆ.

ايتا كەتەيىك, بۇعان دەيىن ۇلتتىق ەكونوميكا ەكس-ءمينيسترى الىبەك قۋانتىروۆ نەسيەگە ساتىپ الىنعان م ۇلىكتەرگە دە ءسان-سالتانات سالىعى سالىناتىنىن مالىمدەگەن ەدى.