ەدىل جاڭبىرشين ەلدى قانداي يدەيا بىرىكتىرەتىنىن ايتتى

فوتو: اشىق دەرەككوز

ەدىل جاڭبىرشين ەلدى قانداي يدەيا بىرىكتىرەتىنىن ايتتى, دەپ جازدى qandastar.kz

ءماجىلىس دەپۋتاتى ەدىل جاڭبىرشين Adal Adam youtube ارناسىنا بەرگەن سۇحباتىندا ەلدى بىرىكتىرەتىن يدەيانى ايتتى.

«كونفۋتسي ۇرىس-كەرىس كەدەيلىكتەن تۋمايدى, ادىلەتسىزدىكتەن تۋادى دەيدى. يمپەريا قۇرعان وسمان پاتشانىڭ اكەسى ەرتۇعىرىل بەي «بۇل ءومىردىڭ قۇپياسى – ادىلدىك ءۇشىن كەرەس» دەيدى. ال پرەزيدەنت توقاەۆ «ادىلەتتى قازاقستان قۇرۋىمىز كەرەك» دەدى. وسى يدەيا ءبىزدىڭ نەگىزگى تىرەگىمىز, دىڭگەگىمىز. ادىلەتتى قازاقستان دەگەن يدەيانىڭ اينالاسىنا توپتاسۋىمىز كەرەك. ياعني اركىم ءوزىنىڭ ىسىندە, ويىندا, قىزمەتىندە, ونەرىندە, عىلىمىندا, باسقارۋىندا, وتباسىندا ءادىل بولسا, مىقتى مەملەكەت بولامىز. ادىلدىككە قاراي بەت تۇزەۋىمىز كەرەك. ادام ءادىل بولسا, ادال بولادى. ادال ادام بولسا, ءادىل بولادى. سوندىقتان ادىلدىك ءبىزدى بىرىكتىرەدى», — دەدى ەدىل جاڭبىرشين.