Jańalyqtar
Egizdiń syńary FlyArystan kesirinen bóten qalada qalyp qoıǵan
Foto: ashyq derekkóz
FlyArystan áýe kompanııasynyń qyzmetkerleri tirkeý kezinde qatelik jiberip, 12 jastaǵy egizdiń syńaryn bóten qalada bir ózin qaldyryp ketken, dep habarlaıdy qandastar.kz
Egizderdiń anasy oraldyq Jazıra Mýsınniń sózinshe, 20 shilde kúni qyzdary tobymen AQSh-tan til kýrsynan Astana arqyly ushyp kelýi kerek bolǵan.
Qamshy.kz jazǵandaı,tirkeý kezinde FlyArystan qyzmetkerleri qyzdarynyń biri Záýreni tirkep, Zereni tirkemegen. Artynsha qyzmetkerler tehnıkalyq aqaý bolǵanyn aıtyp, ony dereý sheship, ekinshi qyzdy ushaqqa ózderi otyrǵyzatynyn aıtqan. Biraq top Oralǵa Zeresiz ushyp ketken. 12 jasar qyz áýejaıda jalǵyz qalyp qoıǵan.
«Kúni keshe advokatymyz Astana áýejaıynda bolyp, oǵan tirkeý ústeliniń janynda qyzymnyń úsh saǵat boıy jalyp turǵan beıne jazbasyn kórsetti. Basqa qalada 12 jastaǵy balam jalǵyz ózi áýejaıda sabylyp, maǵan «mama, men ne isteımin, qaıda baramyn» dep jylaǵanyn estý qalaı áser etkenin elestetińizshi» deıdi Jazıra Mýsın.
Egizdiń syńary otbasymen tek kelesi kúni qaýyshqan. Jábirlenýshi tarap Azamattyq avıaııa komıtetine aryz túsirip, tıisti tulǵalardy jaýapkershilikke tartýdy surap otyr.
Avıakompanııa Jazıra Mýsınnen keshirim surap, jaǵdaıdyń mán-jaıyn jiti tekseretinin, onyń nátıjesi boıynsha shara qoldanatynyn málim etken.
