جاڭالىقتار
Egov.kz پورتالىندا ەڭبەك شارتىن تەكسەرۋگە بولادى
قر ەڭبەك جانە حالىقتى الەۋمەتتىك قورعاۋ مينيسترلىگى «ۇلتتىق اقپاراتتىق تەحنولوگيالار» اق-مەن بىرلەسىپ, ەلەكتروندىق ۇكىمەتتىڭ جەكە كابينەتىندە ەڭبەك شارتى تۋرالى اقپاراتتى كورسەتۋ فۋنكتسيونالىن ەنگىزدى, دەپ حابارلايدى ەلوردا ينفو.
ەندى ءاربىر ادام جەكە كابينەتكە كىرە وتىرىپ, اعىمداعى ەڭبەك شارتى تۋرالى اقپاراتتى «ەڭبەك قىزمەتى» بولىمىندە تەكسەرە الادى, وندا كاسىپورىننىڭ اتاۋى, جاسالعان كۇنى, شارتتىڭ ءنومىرى جانە لاۋازىمى كورسەتىلگەن.
جەكە كابينەتتە قر ەڭبەك مينيسترلىگى ازىرلەگەن ەلەكتروندىق ەڭبەك شارتتارىن ەسەپكە الۋدىڭ بىرىڭعاي جۇيەسىندە تىركەلگەن شارتتار بويىنشا عانا دەرەكتەر بەرىلگەنىن اتاپ ءوتۋ قاجەت.
وتكەن جىلدان باستاپ قازاقستاندا پيلوتتىق رەجيمدە جۇمىس بەرۋشىلەر مەن جۇمىسشىلار اراسىنداعى ەڭبەك قاتىناستارى تۋرالى مالىمەتتەردى ساقتايتىن «ەلەكتروندىق ەڭبەك شارتتارىن ەسەپكە الۋدىڭ بىرىڭعاي جۇيەسى» جوباسى ىسكە قوسىلعان.
بۇگىنگى تاڭدا جۇيەدە 18 مىڭنان استام كاسىپورىن جانە 793 مىڭ ەڭبەك شارتى تىركەلگەن. بۇل جوبانىڭ باستى ارتىقشىلىعى – قاعاز قۇجاتتارىن جيناۋدىڭ قاجەت بولماۋىنا بايلانىستى جۇمىسقا ورنالاسۋ پروتسەسىن جەڭىلدەتۋ, شارتتىڭ قورلارعا جارنالاردىڭ بار ەكەنىن كورسەتۋ, سونداي-اق جۇمىس بەرۋشىنىڭ قىزمەتكەر الدىنداعى مىندەتتەمەلەرىن بەلگىلەۋ ارقىلى الەۋمەتتىك تاۋەكەلدەردەن قورعاۋى بولىپ تابىلادى.
دەرەككوز: https://24.kz
