Eki qazaqstandyq О́zbekstan chempıonatynda top jardy

Foto:instagram.com/boxinguzbekistan_official

Bokstan Tashkentte ótken 2025 jylǵy О́zbekstan chempıonatynda eki etnıkalyq qazaq altyn medal jeńip aldy, dep habarlaıdy Skifnews.kz aqparat portaly.

60 keli salmaqta jarysqa qatysqan Madııar Danııarov Tashkent tórinde altynnan alqa taqty. Ol fınalda Shohrýh Abdýmalıkovty jeńdi.

Al 63,5 keli salmaqta О́zbekstan chempıonatynyń bıylǵy jeńimpazy Rýslan Abdýllaev boldy. Osy salmaqta 2023 jyly álem chempıony jáne 2022 jyly Azııa chempıony atanǵan etnıkalyq qazaq ishki birinshiliktiń fınalynda Adhamjon Mýhıddınovty jeńdi.

Chempıonatta júlde alǵan ulty qazaq boksshylar arasynda Madııar Saıdrahımov (92 keli) pen Arman Mahanov (+92 keli) bar. Qos sportshy da fınalda súrinip, kúmis medalǵa qol jetkizdi.

Sondaı-aq, taǵy eki etnıkalyq qazaq qola júlde enshiledi. 54 keli salmaqta básekege túsiken Sobırjan Tastanov pen 63,5 keli salmaqta Saıat Ilıasov jartylaı fınalda utylyp, qolany qanaǵat tutty.

Aıta keteıik, bıylǵa Tashkentte ótken О́zbekstan chempıonatyna ulty qazaq 15 boksshy qatysty.