ەكى جىل بۇرىن ۇرلانعان قىمبات كولىكتى ChatGPT تاۋىپ بەرگەن

ەكى جىل بۇرىن ۇرىلاردىڭ قولىنا تۇسكەن قىمبات Lamborghini كولىگى يەسىنە توسىننان قايتارىلدى. بۇل جولى ءداستۇرلى پوليتسيا ىزدەۋى ەمەس, جاساندى ينتەللەكتتىڭ مۇمكىندىگى كومەككە كەلگەن, دەپ حابارلايدى Qandastar.kz

بارلىعى جاڭا يەسىنىڭ ارەكەتىنەن باستالعان. ول كولىكتىڭ ىشىنەن الدىڭعى قوجايىننىڭ ۆيزيتكاسىن تاۋىپ الىپ, حابارلاسقان. حاتتا: «سەن بۇل ماشينانى ساتتىڭ با?» دەگەن سۇراقپەن بىرگە Lamborghini سۋرەتى قوسا جىبەرىلگەن.

كولىگىنەن ايىرىلىپ قالعان ازامات سۋرەتتى ChatGPT-كە جۇكتەپ كورەدى. جاساندى ينتەللەكت فوتوداعى فوندى تالداپ, سۋرەتتىڭ ناقتى قاي جەردە تۇسىرىلگەنىن انىقتاپ بەرگەن. كوپ ۇزاماي يەسى جوعالتقان «تەمىر تۇلپارىنىڭ» تۇرعان جەرىن تاپقان.

ەڭ قىزىعى, پوليتسيا وقيعاعا قاتتى تاڭ قالىپ, جابىرلەنۋشىدەن ءتىپتى «ادىستەمەلىك نۇسقاۋلىق» سۇراعان: ChatGPT كومەگىمەن قالاي ىزدەۋ جۇرگىزۋگە بولاتىنىن ءتۇسىندىرىپ بەرۋىن وتىنگەن.

بۇل جاعداي جاساندى ينتەللەكت تەك ماتىنمەن شەكتەلمەي, ناقتى ومىردەگى ماسەلەلەردى شەشۋدە دە ماڭىزدى قۇرالعا اينالا باستاعانىن كورسەتەدى.