Ekibastuzda zeınetkerdiń 13 mıllıon teńgesi urlandy

Foto: ashyq derekkóz

Ekibastuz qalasynyń turǵynynan belgisiz bireý shamamen 13 mıllıon teńge kólemindegi qarajatty urlap ketken, dep jazdy qandastar.kz

Áıeldiń aıtýynsha, aqsha onyń aýrýhanada jatqan kezinde joǵalǵan.

Tártip saqshylarynyń málimetinshe, ol 28 qarashadan 2 jeltoqsanǵa deıin ınsýlt bólimshesinde emdelgen. Zeınetkermen bir palatada jatqan naýqastardyń barlyǵynan jaýap alyndy.

«Nátıjesinde, aqshanyń joǵalýyna jas áıeldiń qatysy bary anyqtaldy. Ol zeınetkerdiń bank qosymshasyna kirip, onyń shotyndaǵy jınaqtaryn ózine aýdarǵan. Kúdikti mundaı árekettiń áshkere bolatynyn kútpegenin moıyndady», – dep habarlady Pavlodar oblysy polıııa departamentiniń baspasóz qyzmeti.

Urlyq faktisi boıynsha qylmystyq is qozǵaldy.