ەكىنشى, ءۇشىنشى ايەل بولاسىز»: قازاق قىزدارى ارابقا كۇيەۋگە شىعۋدى سۇراستىرىپ ءجۇر

سۋرەت:اشىق دەرەككوزدەن الىندى

ارابقا تۇرمىسقا شىققىسى كەلەتىن قازاق قىزدارى كوبەيگەن بە

الەۋمەتتىك جەلىدە ورامالداعى ارۋدىڭ وسى تاقىرىپتا سويلەگەن ۆيدەوسى قىزۋ تالقىعا ءتۇسىپ جاتىر, دەپ حابارلايدى qandastar.kz Ulysmedia.kz.-كە سىلتەمە جاساپ.

«ارابتى قايدان تابامىز?»

ول ءوزىن نازيرا دەپ تانىستىرعان. ايتۋىنشا دۋبايدا گيد قىزمەتىن اتقارادى ەكەن.

«دۋبايعا كەلەتىن قازاق قىزدارىنىڭ سۇراعى قانداي دەپ ويلايسىز? ارينە «ارابتاردى قايدان تابۋعا بولادى جانە قازاق قىزدارىن تۇرمىسقا الا ما» دەگەن سۇراقپەن كەلەدى», – دەيدى ول.

ەكىنشى, ءۇشىنشى, ءتورتىنشى…

نازيرانىڭ ايتۋىنشا قازاق قىزدارىن ارابتار ايەلدىككە الادى.

«نەگىزى ارابتار الادى قازاقتاردى. بىراق سىزدەر ءبىرىنشى ايەل بولمايسىزدار. ءبىرىنشى ايەلدى اتاستىرىپ قويعان قاتارلارىنان الادى. ەكىنشى, ءۇشىنشى, ءتورتىنشى ايەلگە دايىن بولساڭىزدار ارينە ۇيلەنۋگە بولادى. بىراق ولارعا زاڭ جۇزىندە تانىسۋعا بولمايدى بۇل مەملەكەتتە. ينستاگراممنان تابادى, دالادان تابادى. وزدەرىڭىز كوزبەن بەلگى بەرىپ «يا سۆوبودنو, تانىسۋعا دايىنمىن» دەگەن قىزدارمەن ولار تانىسادى», – دەدى.

«ءوزى بىلەدى…»

دەگەنمەن ونىڭ سوزىنشە بىرىككەن اراب امىرلىكتەرىندەگى ءومىر قازاقستانداعىدان الدەقايدا باسقاشا.

«بىراق بۇل جاقتىڭ ءومىرى بىزدىكىندەي ەمەس. بۇل جاقتا ەكەۋ, ۇشەۋ, تورتەۋ بولاسىزدار. ولاردىڭ اتا-اناسىنا باراسىزدار. بىزدىكىندەي جۇمىسى جەتىدە اياقتالسا, جەتى جارىمدا ۇيدە وتىرىپ سەمەينىي بىت بولمايدى. ول قالاعان ۋاقىتىندا كەلەدى. تۇنگى ون بىردە, ون ەكىدە, ۇشتە كەلە مە… ويتكەنى ءسىز جالعىز ەمەسسىز. ەكىنشىسى, ءۇشىنشىسى, ءتورتىنشىسى بار», – دەيدى نازيرا ەسىمدى قىز.

بەينەجازبانىڭ استىنا جازىلعان پىكىرلەردىڭ باسىم بولىگى «قازاق قىزى دەۋگە اۋىز بارماس…», «ەندى وسى قالعان ەدى جارنامالاماعان» دەگەن سارىندا.