Ekinshi, úshinshi áıel bolasyz»: qazaq qyzdary arabqa kúıeýge shyǵýdy surastyryp júr

Sýret:Ashyq derekkózden alyndy

Arabqa turmysqa shyqqysy keletin qazaq qyzdary kóbeıgen be

Áleýmettik jelide oramaldaǵy arýdyń osy taqyrypta sóılegen vıdeosy qyzý talqyǵa túsip jatyr, dep habarlaıdy qandastar.kz Ulysmedia.kz.-ke silteme jasap.

«Arabty qaıdan tabamyz?»

Ol ózin Nazıra dep tanystyrǵan. Aıtýynsha Dýbaıda gıd qyzmetin atqarady eken.

«Dýbaıǵa keletin qazaq qyzdarynyń suraǵy qandaı dep oılaısyz? Árıne «arabtardy qaıdan tabýǵa bolady jáne qazaq qyzdaryn turmysqa ala ma» degen suraqpen keledi», – deıdi ol.

Ekinshi, úshinshi, tórtinshi…

Nazıranyń aıtýynsha qazaq qyzdaryn arabtar áıeldikke alady.

«Negizi arabtar alady qazaqtardy. Biraq sizder birinshi áıel bolmaısyzdar. Birinshi áıeldi atastyryp qoıǵan qatarlarynan alady. Ekinshi, úshinshi, tórtinshi áıelge daıyn bolsańyzdar árıne úılenýge bolady. Biraq olarǵa zań júzinde tanysýǵa bolmaıdy bul memlekette. Instagrammnan tabady, daladan tabady. О́zderińiz kózben belgi berip «ıa svobodno, tanysýǵa daıynmyn» degen qyzdarmen olar tanysady», – dedi.

«О́zi biledi…»

Degenmen onyń sózinshe Birikken Arab Ámirlikterindegi ómir Qazaqstandaǵydan áldeqaıda basqasha.

«Biraq bul jaqtyń ómiri bizdikindeı emes. Bul jaqta ekeý, úsheý, tórteý bolasyzdar. Olardyń ata-anasyna barasyzdar. Bizdikindeı jumysy jetide aıaqtalsa, jeti jarymda úıde otyryp semeınyı byt bolmaıdy. Ol qalaǵan ýaqytynda keledi. Túngi on birde, on ekide, úshte kele me… О́ıtkeni siz jalǵyz emessiz. Ekinshisi, úshinshisi, tórtinshisi bar», – deıdi Nazıra esimdi qyz.

Beınejazbanyń astyna jazylǵan pikirlerdiń basym bóligi «Qazaq qyzy deýge aýyz barmas…», «Endi osy qalǵan edi jarnamalamaǵan» degen sarynda.